Mangaluru: ಎಂಜಿನಿಯರಿಂಗ್‌ ವಿದ್ಯಾರ್ಥಿನಿ ನಾಪತ್ತೆ

ಮಂಗಳೂರು: ನಗರದ ಎಂಜಿನಿಯರಿಂಗ್‌ ಕಾಲೇಜೊಂದರ ವಿದ್ಯಾರ್ಥಿನಿ ಚಿಕ್ಕಮಗಳೂರಿನ ಸ್ಫೂರ್ತಿ (18) ನಾಪತ್ತೆಯಾಗಿದ್ದಾರೆ.

ನ. 16ರಂದು ತಂದೆಗೆ ಕರೆ ಮಾಡಿ ತಾನು ವಾಸ್ತವ್ಯ ಇರುವ ಮನೆ (ಪಿಜಿ)ಯಿಂದ ಕಾಲೇಜಿಗೆ ಹೋಗಿ ಅನಂತರ ಚಿಕ್ಕಮಗಳೂರಿನ ಮನೆಗೆ ಬರುವುದಾಗಿ ತಿಳಿಸಿದ್ದಳು. ರಾತ್ರಿ 11 ಗಂಟೆಯಾದರೂ ಮಗಳು ಮನೆಗೆ ತಲುಪದ ಕಾರಣ ತಂದೆ ಕರೆ ಮಾಡಿದಾಗ ಮೊಬೈಲ್‌ ಫೋನ್‌ ಸ್ವಿಚ್‌ ಆಫ್ ಆಗಿತ್ತು. ನ. 17ರಂದು ಮಂಗಳೂರಿಗೆ ಬಂದು ಪಿಜಿ ಹಾಗೂ ಕಾಲೇಜಿನ ಪ್ರಾಧ್ಯಾಪಕರು, ಸ್ನೇಹಿತರಲ್ಲಿ ವಿಚಾರಿಸಿದರೂ ಪತ್ತೆಯಾಗಿಲ್ಲ ಎಂದು ಪೊಲೀಸರಿಗೆ ದೂರು ನೀಡಲಾಗಿದೆ.