Mangaluru ವಿಮಾನ ನಿಲ್ದಾಣ: ಪ್ರಯಾಣಿಕರ ಸಂಖ್ಯೆ ಉತ್ತಮ

ಮಂಗಳೂರು: ಇಲ್ಲಿನ ವಿಮಾನ ನಿಲ್ದಾಣದಿಂದ ಕಾರ್ಯಾಚರಿಸುತ್ತಿರುವ ವಿಮಾನಗಳ ಪ್ರಯಾಣಿ ಕರ ಸಂಖ್ಯೆ ಉತ್ಸಾಹದಾಯಕವಾಗಿದೆ.

ಈ ವರ್ಷದ ಮೊದಲ 5 ತಿಂಗಳ ಆಗಮನದ ಅಂಕಿಅಂಶ ಪ್ರಕಾರ ಇಂಡಿಗೋ ಹಾಗೂ ಏರ್‌ ಇಂಡಿಯಾ ದೇಶೀಯ ತಾಣಗಳಿಗೆ ಹಾರಾಟದಲ್ಲಿ ಶೇ. 87.5ರಷ್ಟು ಪ್ರ ಯಾಣಿಕರ ಪ್ರಮಾಣವಿತ್ತು. ಶೇ. 75 ಕ್ಕಿಂತ ಹೆಚ್ಚಿನ ಲೋಡ್‌ ಉತ್ತಮ ಎನ್ನ ಲಾಗುತ್ತದೆ.

ಬೆಂಗಳೂರು, ಚೆನ್ನೈ, ದಿಲ್ಲಿ, ಹೈದರಾ ಬಾದ್‌, ಮುಂಬಯಿ, ಪುಣೆ ಯಿಂದ ಮಂಗಳೂರಿಗೆ ಬಂದ ವಿಮಾನಗಳ 3,21,554 ಸೀಟು ಗಳಲ್ಲಿ 2,80,739 ಭರ್ತಿಯಾಗಿದ್ದವು.

ಮುಂಬಯಿ ಶೇ. 91.5, ಚೆನ್ನೈ ಹಾಗೂ ಹೈದರಾಬಾದ್‌ಗೆ ಶೇ. 89.91 ಹಾಗೂ 89.66 ಲೋಡ್‌ ಇತ್ತು. ಅಂತಾರಾ ಷ್ಟ್ರೀಯ ಹಾರಾಟದಲ್ಲಿ ಅಬುಧಾಬಿ, ಬಹ್ರೈನ್‌, ದಮ್ಮಾಮ್‌, ದುಬಾೖ, ದೋಹಾ, ಕುವೈಟ್‌ ಮತ್ತು ಮಸ್ಕತ್‌ಗಳಿಂದ ಬಂದ ವಿಮಾನದಲ್ಲಿ ಶೇ. 81.7 ಲೋಡ್‌ ಇತ್ತು. ನಿರ್ಗಮನ ವಿಭಾಗದಲ್ಲಿ ಮಂಗಳೂರಿನಿಂದ ಮೇಲಿನ ತಾಣಗಳಿಗೆ ಶೇ 83.3 ಆಗಿತ್ತು.