Mangaluru ಐವರಿಗೆ ಕಾರು ಢಿಕ್ಕಿಯಾದ ಪ್ರಕರಣ: ಮುಂದುವರಿದ ತನಿಖೆ

ಮಂಗಳೂರು: ಕಳೆದ ಬುಧವಾರ ಲೇಡಿಹಿಲ್‌ ಸಮೀಪ ಫುಟ್‌ಪಾತ್‌ನಲ್ಲಿ ನಡೆದುಕೊಂಡು ಹೋಗುತ್ತಿದ್ದ 5 ಮಂದಿಗೆ ಕಾರು ಢಿಕ್ಕಿಯಾಗಿ ಓರ್ವ ಯುವತಿ ಮೃತಪಟ್ಟ ಪ್ರಕರಣದ ತನಿಖೆಯನ್ನು ಮಂಗಳೂರು ಪೂರ್ವ ಸಂಚಾರ ಠಾಣೆಯ ಪೊಲೀಸರು ಮುಂದುವರಿಸಿದ್ದು ಘಟನೆಗೆ ನಿಖರ ಕಾರಣ ಗೊತ್ತಾಗಿಲ್ಲ.

ವಿಚಾರಣೆಯ ಸಂದರ್ಭದಲ್ಲಿ ಚಾಲಕ ತನಗೆ ನಿಯಂತ್ರಣ ತಪ್ಪಿ ಢಿಕ್ಕಿಯಾಗಿದೆ ಎಂದಷ್ಟೇ ತಿಳಿಸಿದ್ದು ಬೇರೆ ಕಾರಣ ಪತ್ತೆಯಾಗಿಲ್ಲ.

ಚಾಲಕನ ವಿರುದ್ಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ. ತನಿಖೆ ಮುಂದುವರಿಸಲಾಗಿದೆ ಎಂದು ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ.