ಮಂಗಳೂರು: ಇಂದಿನಿಂದ ಮತ್ತೆ ನೀರು ಪೂರೈಕೆ

ಮಂಗಳೂರು: ತುಂಬೆ ಅಣೆಕಟ್ಟಿನಲ್ಲಿ ನೀರಿನ ಮಟ್ಟ ಇಳಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಪರಿಷ್ಕೃತ ರೇಷನಿಂಗ್‌ ನಿಯಮದ ಪ್ರಕಾರ ಮೇ 16ರ ಬೆಳಗ್ಗೆ 6ರಿಂದ ನೀರು ಪೂರೈಕೆ ಮತ್ತೆ ಆರಂಭವಾಗಲಿದೆ.

ಮೇ 13ರ ಬೆಳಗ್ಗೆ 6ರಿಂದ ಮೇ 16ರ ಬೆಳಗ್ಗೆ 6ರ ವರೆಗೆ ನೀರು ಪೂರೈಕೆ ಸ್ಥಗಿತಗೊಳಿಸಲಾಗಿತ್ತು. ಗುರುವಾರ ಮತ್ತೆ ನೀರು ಪೂರೈಕೆ ಆರಂಭವಾಗಲಿದ್ದು, ಮೇ 20ರ ಬೆಳಗ್ಗೆ 6ರ ವರೆಗೆ ನೀರು ಪೂರೈಕೆಯಾಗಲಿದೆ.

ಮುಂದಿನ ವಾರದಿಂದ
ನಾಲ್ಕು ದಿನ ನೀರು ಸ್ಥಗಿತ
ನಗರದಲ್ಲಿ ನೀರಿನ ಸಮಸ್ಯೆ ಉಲ್ಬಣಿಸುತ್ತಿರುವ ಹಿನ್ನೆಲೆಯಲ್ಲಿ ಈವರೆಗೆ ಇದ್ದ ಮೂರು ದಿನ ನೀರು ಸ್ಥಗಿತ, ನಾಲ್ಕು ದಿನ ನೀರು ಪೂರೈಕೆ ನಿಯಮ ಬದಲಾಗಿದ್ದು, ಮೇ 20ರ ಬೆಳಗ್ಗೆ 6ರಿಂದ ಮೇ 24ರ ಬೆಳಗ್ಗೆ 6ರ ವರೆಗೆ ನಾಲ್ಕು ದಿನ ನೀರು ಸ್ಥಗಿತಗೊಳ್ಳಲಿದೆ.