ಮಂಗಳೂರು:  ರಸ್ತೆ ಡಿವೈಡರ್‌ ಮೇಲೆ ನುಗ್ಗಿದ ಬಸ್‌

ಮಂಗಳೂರು: ನಗರದ ಲಾಲ್‌ಬಾಗ್‌ ಸಮೀಪದ ಪಬ್ಟಾಸ್‌ ಐಸ್‌ಕ್ರೀಸ್‌ ಮಳಿಗೆಯ ಎದುರು ರವಿವಾರ ಖಾಸಗಿ ಸಿಟಿ ಬಸ್‌ವೊಂದು ಚಾಲಕನ ನಿಯಂತ್ರಣ ತಪ್ಪಿ ಡಿವೈಡರ್‌ ಮೇಲೆ ಹತ್ತಿ ಬೀದಿ ದೀಪದ ವಿದ್ಯುತ್‌ ಕಂಬಕ್ಕೆ ಢಿಕ್ಕಿ ಹೊಡೆದ ಘಟನೆ ಸಂಭವಿಸಿದ್ದು, ಘಟನೆಯಲ್ಲಿ ಮಗು ಸಹಿತ 8 ಮಂದಿ ಗಾಯಗೊಂಡಿದ್ದಾರೆ.

ಯಾವುದೇ ಪ್ರಾಣಾಪಾಯ ಇಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ಬಸ್‌ ಚಾಲಕನ ವಿರುದ್ಧ ಅತಿವೇಗ, ಅಜಾಗ್ರತೆ ಮತ್ತು ನಿರ್ಲಕ್ಷದ ಚಾಲನೆ ವಿರುದ್ಧ ಮಂಗಳೂರು ನಗರ ಸಂಚಾರ ಪಶ್ಚಿಮ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.