ಮಂಗಳೂರು- ಬೆಂಗಳೂರು ಇಂಡಿಗೋ ವಿಮಾನ ಯಾನ ಆರಂಭ

ಮಂಗಳೂರು: ಮಂಗಳೂರು – ಬೆಂಗಳೂರು ಹಾಗೂ ಮಂಗಳೂರು -ಮುಂಬಯಿ ಮಧ್ಯೆ ಅತಿ ಕಡಿಮೆ ಪ್ರಯಾಣ ದರದ ಇಂಡಿಗೊ ವಿಮಾನ ಸೇವೆ ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಮೇ 1ರಂದು ಆರಂಭಗೊಂಡಿತು.

ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಇಂಡಿಗೋ ವಿಮಾನ ನಂ. 6 ಇ 6724 ಸೋಮವಾರ ಬೆಳಗ್ಗೆ ಬೆಂಗಳೂರಿನಿಂದ ಆಗಮಿಸಿದಾಗ ಅದನ್ನು ಸಾಂಪ್ರಾದಾಯಿಕವಾಗಿ ಸ್ವಾಗತಿಸಲಾಯಿತು. ಬಳಿಕ ಜರಗಿದ ಸರಳ ಸಮಾರಂಭದಲ್ಲಿ ದ.ಕ. ಜಿಲ್ಲಾ ಉಸ್ತುವಾರಿ ಸಚಿವ ಬಿ. ರಮಾನಾಥ ರೈ ಹಾಗೂ ಸಂಸದ ನಳಿನ್‌ ಕುಮಾರ್‌ ಕಟೀಲು ದೀಪ ಬೆಳಗಿಸಿದರು. ವಿಮಾನ ನಿಲ್ದಾಣ ನಿರ್ದೇಶಕ ಜೆ.ಟಿ. ರಾಧಾಕೃಷ್ಣ ಕೇಕ್‌ ಕತ್ತರಿಸಿದರು. ಮಾಜಿ ಸಚಿವ, ಶಾಸಕ ಅಭಯಚಂದ್ರ ಜೈನ್‌, ಶಾಸಕ ಜೆ.ಆರ್‌. ಲೋಬೋ ಮುಖ್ಯ ಅತಿಥಿಯಾಗಿದ್ದರು. ದ.ಕ. ಜನತೆಗೆ ಪೂರಕ ಸಚಿವ ರಮಾನಾಥ ರೈ ಮತ್ತು ಶಾಸಕ ಜೆ.ಆರ್‌. ಲೋಬೋ ಮಾತನಾಡಿ, ಕಡಿಮೆ ಪ್ರಯಾಣ ದರದ ಇಂಡಿಗೋ ವಿಮಾನ ಸೇವೆ ಆರಂಭ ಗೊಂಡಿರುವುದರಿಂದ ಅವಿಭಜಿತ ದ.ಕ. ಜಿಲ್ಲೆಯ ಪ್ರಯಾಣಿಕರಿಗೆ ಅನುಕೂಲವಾಗಿದೆ. ಹೆಚ್ಚು ಮಂದಿ ವಿಮಾನ ಪ್ರಯಾಣವನ್ನು ಅವಲಂಬಿಸಲು ಪೂರಕವಾಗಿದೆ ಎಂದರು.

ಇಂಡಿಗೊ ನಿರ್ವಹಣೆ ಮತ್ತು ಗ್ರಾಹಕ ಸೇವೆ ವಿಭಾಗದ ಸಹಾಯಕ ಉಪಾಧ್ಯಕ್ಷ ಚಾರ್ನೆಲ್‌ ಡಿ’ಸೋಜಾ, ಮಂಗಳೂರು ಕೇಂದ್ರದ ಮುಖ್ಯಸ್ಥೆ ಅರ್ಚನಾ  ಉಪಸ್ಥಿತರಿದ್ದರು. ಮಂಗಳೂರು – ಬೆಂಗಳೂರು ಮಧ್ಯೆ 2 ವಿಮಾನಗಳು ಹಾಗೂ ಮಂಗಳೂರು-ಮುಂಬಯಿ ಮಧ್ಯೆ 1 ವಿಮಾನ ಪ್ರತೀ ದಿನ ಸಂಚರಿಸ ಲಿದೆ. ಮೇ 15ರಿಂದ ಮಂಗಳೂರು- ಬೆಂಗಳೂರು ಮಧ್ಯೆ ಇನ್ನೊಂದು ವಿಮಾನ ಸೇವೆ ಆರಂಭಗೊಳ್ಳಲಿದೆ. ಮಂಗಳೂರು – ಬೆಂಗಳೂರಿಗೆ ಕನಿಷ್ಠ ದರ 1,499 ರೂ., ಮಂಗಳೂರು- ಮುಂಬಯಿಗೆ 1,799 ರೂ. ಕನಿಷ್ಠ ದರ ನಿಗದಿಪಡಿಸಲಾಗಿದೆ.

ಇಂಡಿಗೋ ವಿಮಾನ ಸೇವೆ
ಹೊರಡುವ ಸ್ಥಳ    ನಿರ್ಗಮನ        ಆಗಮನ     ದರ
ಬೆಂಗಳೂರು        5.30(ಬೆಳಗ್ಗೆ)       6.30     1499 ಮಂಗಳೂರು           7.00 (ಬೆಳಗ್ಗೆ)       7.55     1499 ಬೆಂಗಳೂರು        2.55(ಮಧ್ಯಾಹ್ನ) 3.50    1499 ಮಂಗಳೂರು       4.20 (ಸಂಜೆ)                  5.15      1499 ಮುಂಬಯಿ             9.40(ಬೆಳಗ್ಗೆ)        11.30     1799 ಮಂಗಳೂರು       12.05(ಮಧ್ಯಾಹ್ನ) 2.00    1799
ಮೇ 15ರಿಂದ ಆರಂಭಗೊಳ್ಳುವ ಇನ್ನೊಂದು ವಿಮಾನ ರಾತ್ರಿ 10 ಗಂಟೆಗೆ ಮಂಗಳೂರಿನಿಂದ ನಿರ್ಗಮಿಸಲಿದೆ.