ಮಾಂಡ್‌ಸೋರ್‌ : ಬೋಟ್‌ ಮುಳುಗಿ ಇಬ್ಬರು ಮಹಿಳೆಯರ ಸಾವು

ಮಾಂಡ್‌ಸೋರ್‌, ಮಧ್ಯಪ್ರದೇಶ : ಮಾಂಡ್‌ಸೋರ್‌ ಜಿಲ್ಲೆಯ ಶ್ಯಾಮಗಢ ಸಮೀಪದ ಗಾಂಧಿ ಸಾಗರ್‌ ಡ್ಯಾಮ್‌ನಲ್ಲಿ ಬೋಟ್‌ ಮುಳುಗಿದ ದುರಂತದಲ್ಲಿ ಇಬ್ಬರು ಮಹಿಳೆಯರು ಮೃತಪಟ್ಟಿದ್ದಾರೆ. 

ಬೋಟ್‌ನಲ್ಲಿದ್ದ ಇತರ ನಾಲ್ವರು ಮಹಿಳೆಯರಿಗೆ ಈಜು ಗೊತ್ತಿದ್ದು ಅವರು ಕಷ್ಟಪಟ್ಟು ಈಜಾಡಿ ದಡವನ್ನು ತಲುಪಿದ್ದಾರೆ.

ಮೃತ ಮಹಿಳೆಯರನ್ನು ಪ್ರೇಮಾ ಬಾಯಿ (30) ಮತ್ತು ಸಾನಿಬಾಯಿ (60) ಎಂದು ಗುರುತಿಸಲಾಗಿದೆ. ಚಂಬಲ್‌ ನದಿಗೆ ಅಡ್ಡವಾಗಿ ಕಟ್ಟಲಾಗಿರುವ ಗಾಂಧಿ ಸಾಗರ್‌ ಡ್ಯಾಮ್‌ನಲ್ಲಿ ಇವರುಗಳಿದ್ದ ಬೋಟು ಸಾಗುತ್ತಿದ್ದಾಗ ಬಲವಾದ ಗಾಳಿ ಬೀಸಿ ಬೋಟು ಮಗುಚಿಕೊಂಡಿತು ಎಂದು ಹೆಚ್ಚುವರಿ ಜಿಲ್ಲಾ ಕಲೆಕ್ಟರ್‌ ಅರ್ಪಿತ್‌ ವರ್ಮಾ ಹೇಳಿದರು.