ಲೂಧಿಯಾನ: ತಾಯಿ, ಸೋದರ ಸಂಬಂದಿಯನ್ನು ಕೊಂದ ಅಪರಾಧಿಗೆ ಗಲ್ಲು ಶಿಕ್ಷೆ

ಲೂಧಿಯಾನ : 2013ರಲ್ಲಿ ತನ್ನ ತಾಯಿ ಮತ್ತು ಸೋದರ ಸಂಬಂಧಿಯನ್ನು ಕೊಂದ ಅಪರಾಧಕ್ಕಾಗಿ ಇಲ್ಲಿನ ನ್ಯಾಯಾಲಯ, ಆರೋಪಿಗೆ ಮರಣ ದಂಡನೆ ಶಿಕ್ಷೆ ವಿಧಿಸಿದೆ.

ಕೊಲೆ ಅಪರಾಧಿ ರಿಷು ಗ್ರೋವರ್‌ ನನ್ನು ‘ಸಾಯುವ ತನಕ ನೇಣಿಗೆ ಹಾಕಬೇಕು’ ಎಂದು ಇಲ್ಲಿನ ಹೆಚ್ಚುವರಿ ಸೆಶನ್ಸ್‌ ನ್ಯಾಯಾಧೀಶ ಅರುಣ್‌ ವೀರ್‌ ವಶಿಷ್ಠ ಅವರು ತೀರ್ಪು ನೀಡಿದರು. 

30ರ ಹರೆಯದ ಕೊಲೆ ಅಪರಾಧಿ ಗ್ರೋವರ್‌ ತನ್ನ ತಾಯಿ ಉಷಾ ರಾಣಿ (55) ಮತ್ತು ಸೋದರ ಸಂಬಂಧಿ ಹೀನಾ ಗ್ರೋವರ್‌ (22) ಅವನ್ನು  2013ರ ಮೇ 21 -22ರ ನಡುವಿನ ರಾತ್ರಿ ನಗರದ ಹೃದಯಭಾಗದಲ್ಲಿರುವ ಬಾಬಾ ಥಾನ್‌ ಸಿಂಗ್‌ ಚೌಕದ ಸಮೀಪವಿರುವ ಮೊಹಲ್ಲಾ ಫ‌ತೇಗಂಜ್‌ ನಲ್ಲಿನ ತನ್ನ ಮನೆಯಲ್ಲಿ  ನಿರ್ದಯವಾಗಿ ಕೊಂದಿದ್ದ. 

ರಿಷು ಗ್ರೋವರ್‌ ಗೆ ಹೀನಾ ಜತೆಗೆ ಲೈಂಗಿಕ ಸಂಬಂಧವಿತ್ತು. ಆಕೆಯ ಮದುವೆ ಬೇರೊಬ್ಟಾತನೊಂದಿಗೆ ನಿಗದಿಯಾದ ಕಾರಣ ಈತ ಆಕ್ರೋಶಿತನಾಗಿದ್ದ. ಪರಿಣಾಮವಾಗಿ ಹೀನಾ ಮತ್ತು ತನ್ನ ತಾಯಿ ಉಷಾ ರಾಣಿಯನ್ನು ಆತ ಕೊಂದ. ಈ ಕೊಲೆ ಕೃತ್ಯ ನಡೆಸಿದ ಬಳಿಕ ಆರೋಪಿ ರಿಷು ಮನೆಯಲ್ಲಿದ್ದ ನಗ – ನಗದಿನೊಂದಿಗೆ ಪರಾರಿಯಾಗಿದ್ದ ಎಂದು ಎಫ್ಐಆರ್‌ ನಲ್ಲಿ ದಾಖಲಾಗಿತ್ತು.