ಮಗಳ ಜತೆಗೆ ಸಮಯ ಕಳೆಯಲು ಉದ್ಯೋಗವನ್ನೇ ತ್ಯಜಿಸಿದ ತಂದೆ….

ನವಜಾತ ಮಗಳಿನೊಂದಿಗೆ ಸಮಯ ಕಳೆಯಲು ದೊಡ್ಡ ಸಂಖ್ಯೆಯ ವೇತನ ಬರುವ ಉದ್ಯೋಗಕ್ಕೆ ಐಐಟಿ ಖರಗ್‌ಪುರ ಪದವೀಧರ ಅಂಕಿತ್‌ ಜೋಶಿ ರಾಜೀನಾಮೆ ನೀಡಿದ್ದಾರೆ.

ಕೆಲವೇ ತಿಂಗಳ ಮೊದಲು ಒಂದು ಕಂಪನಿಯ ಹಿರಿಯ ಉಪಾಧ್ಯಕ್ಷರಾಗಿ ಹೊಸ ಉದ್ಯೋಗವನ್ನು ಅಂಕಿತ್‌ ಆರಂಭಿಸಿದ್ದರು.

ಅವರಿಗೆ ದೊಡ್ಡ ಮಟ್ಟದ ಸಂಬಳ ಕೂಡ ಬರುತ್ತಿತ್ತು. ಆದರೆ ಆಗ ತಾನೆ ಜನಿಸಿದ ಮಗುವಿನೊಂದಿಗೆ ಸಮಯ ಕಳೆಯಲು ಅವರು ಉದ್ಯೋಗವನ್ನೇ ತ್ಯಜಿಸಿದ್ದಾರೆ.

ಸಂದರ್ಶನವೊಂದರಲ್ಲಿ ಮಾತನಾಡಿದ ಅಂಕಿತ್‌, “ಇದೊಂದು ವಿಲಕ್ಷಣ ನಿರ್ಧಾರ ಎಂದು ನನಗೆ ಗೊತ್ತು. ವೃತ್ತಿ ಭವಿಷ್ಯಕ್ಕೆ ತೊಂದರೆಯಾಗಲಿದೆ ಎಂದು ಅನೇಕರು ಎಚ್ಚರಿಕೆ ನೀಡಿದರು. ಆದರೆ ನನ್ನ ನಿರ್ಧಾರವನ್ನು ಪತ್ನಿ ಆಕಾಂಕ್ಷ ಬೆಂಬಲಿಸಿದಳು,’ ಎಂದು ಹೇಳಿದ್ದಾರೆ. ಅವರ ನಿರ್ಧಾರಕ್ಕೆ ಜಾಲತಾಣಗಳಲ್ಲಿ ಮೆಚ್ಚುಗೆ ವ್ಯಕ್ತವಾಗುತ್ತದೆ.