ಕದಿರೇನಹಳ್ಳಿ:ಬಾರ್‌ನಲ್ಲಿ ಸಿಗರೇಟ್‌ ತಾಗಿದ್ದಕ್ಕೆ ಯುವಕನ ಕಗ್ಗೊಲೆ!

ಬೆಂಗಳೂರು: ಕದಿರೇನಹಳ್ಳಿಯ ಬಾರ್‌ವೊಂದರಲ್ಲಿ ಸಿಗರೇಟ್‌ ತಾಗಿತು ಎನ್ನುವ ಕ್ಷುಲ್ಲಕ ಕಾರಣಕ್ಕೆ ಯುವಕನೊಬ್ಬನನ್ನು ಬರ್ಬರವಾಗಿ ಇರಿದು ಹತ್ಯೆಗೈದ ಘಟನೆ ಶುಕ್ರವಾರ ತಡರಾತ್ರಿ ನಡೆದಿದೆ. 

35 ವರ್ಷದ ಚಂದ್ರ ಹತ್ಯೆಗೀಡಾದ ಯುವಕ. ಮದ್ಯಪಾನ ಮಾಡುತ್ತಿದ್ದ ವೇಳೆ ಅಪರಿಚಿತ ವ್ಯಕ್ತಿಗೆ ಸಿಗರೇಟ್‌ ತಾಗಿದೆ ಎನ್ನುವ ಕಾರಣಕ್ಕೆ ದುಷ್ಕರ್ಮಿಗಳು ಎದೆ ಮತ್ತು ಹೊಟ್ಟೆ ಭಾಗಕ್ಕೆ ಇರಿದಿದ್ದಾರೆ ಎಂದು ತಿಳಿದು ಬಂದಿದೆ. 

ನಾಲ್ವರು ಕೃತ್ಯ ಎಸಗಿದ್ದಾರೆ ಎನ್ನಲಾಗಿದ್ದು, ಕುಮಾರಸ್ವಾಮಿ ಲೇಔಟ್‌ ಪೊಲೀಸರು ಸœಳಕ್ಕಾಗಮಿಸಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರೆಸಿದ್ದಾರೆ.