Andhra Pradesh; ಇದ್ದಿದ್ದು 17 ರೂ., 100 ಕೋ.ರೂ. ಚೆಕ್‌ ಹುಂಡಿಗೆ ಕಾಣಿಕೆ!

ವಿಶಾಖಪಟ್ಟಣ: ಆಂಧ್ರಪ್ರದೇಶದ ವಿಶಾಖಪಟ್ಟಣದ ಸಿಂಹಾಚಲಂ ದೇವಸ್ಥಾನಕ್ಕೆ ಬರೋಬ್ಬರಿ 100 ಕೋಟಿ ರೂ. ದೇಣಿಗೆಯ ಚೆಕ್‌ ಅನ್ನು ಭಕ್ತನೊಬ್ಬ ಹುಂಡಿಗೆ ಹಾಕಿದ್ದಾನೆ. ಆದರೆ ದೇಗುಲದ ಅಧಿಕಾರಿಗಳು ಅದನ್ನು ಬ್ಯಾಂಕಿಗೆ ಹಾಕಿದಾಗ, ಆ ಭಕ್ತನ ಖಾತೆಯಲ್ಲಿ ಕೇವಲ 17 ರೂ. ಇರುವುದು ಪತ್ತೆಯಾಗಿದೆ.

ದೊಡ್ಡ ಮೊತ್ತದ ಚೆಕ್‌ ಕಂಡು ಖುಷಿಯಾಗಿದ್ದ ಅಧಿಕಾರಿಗಳಿಗೆ, ಭಕ್ತನ ಬ್ಯಾಂಕ್‌ ಖಾತೆಯಲ್ಲಿ ಕನಿಷ್ಠ ಬಾಕಿ ಮೊತ್ತ ಕೂಡ ಇಲ್ಲದಿರುವುದನ್ನು ಕಂಡು ನಿರಾಶೆಯಾಗಿದೆ. ಬುಧವಾರ ಹುಂಡಿ ಎಣಿಕೆ ಕಾರ್ಯದ ಸಮಯದಲ್ಲಿ ಈ ಚೆಕ್‌ ಸಿಕ್ಕಿದೆ. ಬೊಡ್ಡೆಪಲ್ಲಿ ರಾಧಾಕೃಷ್ಣ ಎಂಬುವವರು ಖಾಸಗಿ ಬ್ಯಾಂಕ್‌ನ ಚೆಕ್‌ ಅನ್ನು ಹುಂಡಿಗೆ ಹಾಕಿದ್ದರು.