ಸುಮ್ ಸುಮ್ನೆ ಕೋವಿಡ್ ಚೆಕ್ ಮಾಡಿದ್ರೆ ಸರಿ ಇರಲ್ಲ, ನನಗೆ ಡಿಸಿ ಗೊತ್ತು: ವ್ಯಕ್ತಿಯಿಂದ ರಂಪಾಟ

ಕೊಡಗು: ರಾಜ್ಯಾದ್ಯಂತ ಕೋವಿಡ್ ಪ್ರಕರಣಗಳ ಸಂಖ್ಯೆ ದಿನ ನಿತ್ಯ ಏರುತ್ತಲೇ ಇದೆ. ಈ ಸಂದರ್ಭದಲ್ಲಿ ಆರೋಗ್ಯ ಸಿಬ್ಬಂದಿ ತಮ್ಮ ಪ್ರಾಣವನ್ನು ಒತ್ತೆ ಇಟ್ಟು ಕೆಲಸ ಮಾಡುತ್ತಿದ್ದಾರೆ, ಆದ್ರೆ ಇಲ್ಲೊಬ್ಬ ವ್ಯಕ್ತಿ ನರ್ಸ್ ಮೇಲೆಯೇ ಹರಿಹಾಯ್ದಿದ್ದಾನೆ. ವ್ಯಕ್ತಿಯೋರ್ವ ಸ್ವ್ಯಾಬ್ ಕಲಕ್ಷನ್​ ಗೆ ಬಂದ ಆರೋಗ್ಯ ಸಿಬ್ಬಂದಿ ಎದುರು ನಾನು ಸ್ವಾಬ್​ ಟೆಸ್ಟ್​ ಕೊಡುವುದಿಲ್ಲ ಅಂತ ರಂಪಾಟ ಮಾಡಿದ್ದಾನೆ. ಈ ಘಟನೆಯು ಜಿಲ್ಲೆಯ ಸೋಮವಾರಪೇಟೆ ತಾಲ್ಲೂಕಿನ ಜಂಬೂರಿನಲ್ಲಿ ನಡೆದಿದೆ.

ಕಾಂಟ್ರ್ಯಾಕ್ಟರ್ ರವಿ ಎಂಬುವ ವ್ಯಕ್ತಿ ಮಾದಾಪುರ ಆರೋಗ್ಯ ಕೇಂದ್ರದ ನರ್ಸ್​ ಗ್ರೀಷ್ಮಾಗೆ ಬಾಯಿಗೆ ಬಂದಂತೆ  ಮಾತನಾಡಿದ್ದಾನೆ. ಅಷ್ಟೇ ಅಲ್ಲದೇ ಅಲ್ಲಿದ್ದ ಎಲ್ಲಾ ಆರೋಗ್ಯ ಸಿಬ್ಬಂದಿಯವರೊಂದಿಗೆ ವಾಗ್ವಾದ ನಡೆಸಿದ್ದಾನೆ. ನಾನ್​ ಯಾರು ಗೊತ್ತಾ..? ನನಗೆ ಡಿಸಿ ಗೊತ್ತು, ಎಸ್​ಪಿ ಗೊತ್ತು ಅಂತ ನರ್ಸ್​ಗೆ ಅವಾಜ್​ ಹಾಕಿದ್ದಾನೆ.

ಹೊಟ್ಟೆ ನೋವು ಅಂತ ಬಂದವರಿಗೆ ನೀವು ಪಾಸಿಟಿವ್ ವರದಿ ನೀಡುತ್ತೀರಿ. ನನಗೆ ಪ್ರಾಬ್ಲಮ್ ಇದ್ದರೆ ನಾನೇ ಬಂದು ನಿಮಗೆ ತಿಳಿಸುತ್ತೇನೆ. ಆಶಾ ಕಾರ್ಯಕರ್ತೆಯರು ಹೇಳಿದರು ಅಂತ ನಮ್ಮ ಮನೆ ಬಳಿ ಬಂದರೆ ಸರಿ ಇರುವುದಿಲ್ಲ ಎಂದು ಜೋರು ಧ್ವನಿಯಲ್ಲಿ ಮಾತನಾಡಿದ್ದಾರೆ.