ಪಂದ್ಯದ ಬಳಿಕ ವೀಕ್ಷಕನ ಅಸಭ್ಯ ವರ್ತನೆ; ಜೀವಾವಧಿ ನಿಷೇಧ ಶಿಕ್ಷೆ

ಸಿಡ್ನಿ: ಪಂದ್ಯದ ಬಳಿಕ ಅಸಭ್ಯವಾಗಿ ವರ್ತಿಸಿದ ಆಸ್ಟ್ರೇಲಿಯದ ವೀಕ್ಷಕನೊಬ್ಬನಿಗೆ ಸಿಡ್ನಿ ಸ್ಟೇಡಿಯಂ ಪ್ರವೇಶವನ್ನು ನಿಷೇಧಿಸಲಾಗಿದೆ.

ಈತ ಮಾಡಿದ ಕಿತಾಪತಿಯೆಂದರೆ, ಇಂಗ್ಲೆಂಡ್‌ ಎದುರಿನ ರಗ್ಬಿ ಪಂದ್ಯವೊಂದರಲ್ಲಿ ಆಸ್ಟ್ರೇಲಿಯ ಸೋತ ಸಿಟ್ಟಿನಲ್ಲಿ ಸ್ಟೇಡಿಯಂನ ಛಾವಣಿಯನ್ನೇರಿ ಮೂತ್ರ ವಿಸರ್ಜನೆ ಮಾಡಿದ್ದು!

ಕೂಡಲೇ ಸ್ಟೇಡಿಯಂನ ಭದ್ರತಾ ಸಿಬಂದಿ ಈತನನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ. ಈತನ ವಿರುದ್ಧ ಅನುಚಿತ ವರ್ತನೆ ಹಾಗೂ ಅನುಮತಿ ಇಲ್ಲದೆ ಛಾವಣಿ ಏರಿದ ಪ್ರಕರಣವನ್ನು ದಾಖಲಿಸಲಾಗಿದೆ.

ಪ್ರಕರಣದ ಬಳಿಕ “ಸಿಡ್ನಿ ಕ್ರಿಕೆಟ್‌ ಗ್ರೌಂಡ್‌’ ಈತನಿಗೆ 2 ತಿಂಗಳ ನಿಷೇಧ ಹೇರಿತು. ಆದರೆ “ರಗ್ಬಿಆಸ್ಟ್ರೇಲಿಯ’ ಈ ಶಿಕ್ಷೆಯನ್ನು ಜೀವಾವಧಿಗೆ ವಿಸ್ತರಿಸಿತು.