ಮೋದಿ ಪ್ರಮಾಣ ವಚನ ವೇಳೆ ಕತ್ತಲಲ್ಲಿ ಕುಳಿತಿದ್ದ ಮಮತಾ!

ಕೋಲ್ಕತಾ: ಪ್ರಧಾನಿ ನರೇಂದ್ರ ಮೋದಿ ಪ್ರಮಾಣ ವಚನ ಸ್ವೀಕಾರ ನಡೆದ ರವಿವಾರ ಪಶ್ಚಿಮ ಬಂಗಾಲ ಸಿಎಂ, ಟಿಎಂಸಿ ನಾಯಕಿ ಮಮತಾ ಬ್ಯಾನರ್ಜಿ ಕೋಲ್ಕತಾದಲ್ಲಿ ಟಿವಿ, ಲೈಟ್‌ಗಳ ಸ್ವಿಚ್‌ ಆಫ್ ಮಾಡಿದ್ದಾರೆ. ಈ ಮೂಲಕ ಪ್ರಧಾನಿ ಹುದ್ದೆಗೆ ಮತ್ತೆ ಮೋದಿ ಪ್ರಮಾಣ ವಚನ ಸ್ವೀಕರಿಸಿ ದ್ದಕ್ಕೆ ಮೌನ ಪ್ರತಿಭಟನೆ ನಡೆಸಿದ್ದಾರೆ ಎಂದು  ಟಿಎಂಸಿ ಸಂಸದೆ ಸಾಗರಿಕಾ ಘೋಷ್‌ ಮಾಹಿತಿ ನೀಡಿದ್ದಾರೆ.

ಮೋದಿಯವರಿಗೆ ಬಹುಮತ ಸಿಗದೇ ಇರುವುದರಿಂದ ಅವರು ಮತ್ತೆ ಪ್ರಧಾನಿ ಯಾಗಲು ಅರ್ಹತೆ ಪಡೆದಿಲ್ಲ. ಅಯೋಧ್ಯೆಯಲ್ಲಿ ಬಿಜೆಪಿ ಅಭ್ಯರ್ಥಿ ಸೋತಿದ್ದಾರೆ ಎಂದು ಟಿಎಂಸಿ ನಾಯಕಿ ವಾದಿಸಿದ್ದಾರೆ. ಈ ಬಾರಿಯ ಚುನಾವಣ ಫ‌ಲಿತಾಂಶ ಮೋದಿಯವರ ವಿರುದ್ಧವಾಗಿತ್ತು ಎಂದು ಸಾಗರಿಕಾ ಹೇಳಿದ್ದಾರೆ.