Malpe: ಕಣ್ಮರೆಯಾಗಿದ್ದ ಮೀನುಗಾರನ ಶವ ಪತ್ತೆ

ಮಲ್ಪೆ: ಮಲ್ಪೆ ಬಂದರಿನ ದಕ್ಕೆಯಿಂದ ಸೋಮವಾರ ಬೆಳಗ್ಗೆ ಆಕಸ್ಮಿಕವಾಗಿ ಸ್ಕೂಟಿ ಸಮೇತ ನೀರಿಗೆ ಬಿದ್ದು ಕಣ್ಮರೆಯಾಗಿದ್ದ ತಮಿಳುನಾಡಿನ ಮುರುಗೇಶನ್‌ (58) ಮೃತದೇಹ ಸೀವಾಕ್‌ ವೇ ಬಳಿಪಾಪ ನಾಶಿನಿ ನದಿಯಲ್ಲಿ ಮಂಗಳವಾರ ಪತ್ತೆಯಾಗಿದೆ.

ಅವರು ಮಲ್ಪೆ ಬಂದರಿನಲ್ಲಿ ಬೋಟಿನ ಬಲೆ ಕಟ್ಟುವ ಕೆಲಸ ಮಾಡಿಕೊಂಡಿದ್ದು ಚಹಾ ಕುಡಿದು ಬರುತ್ತೇನೆ ಎಂದು ಬೋಟಿನ ಕ್ಯಾಬಿನ್‌ನಲ್ಲಿದ್ದ ಸ್ಕೂಟರ್‌ ಕೀ ತೆಗೆದುಕೊಂಡು ಹೊರಟವರು ಬಾಪುತೋಟ ದಕ್ಕೆಯ ಬಳಿ ಸ್ಕೂಟರ್‌ ಸಹಿತ ನೀರಿಗೆ ಬಿದ್ದಿದ್ದರು. ಮಲ್ಪೆ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.