Advertisement
ಬಂದರಿನ 1 ಮತ್ತು 2ನೇ ಹಂತದ ಜೆಟ್ಟಿ ಹಾಗೂ ಪಶ್ಚಿಮ ದಿಕ್ಕಿನಲ್ಲಿರುವ ಜೆಟ್ಟಿಯಲ್ಲಿ ಸೇರಿದಂತೆ ಸುಮಾರು 50 ಗೂಟಗಳು ಹಾನಿಗೊಂಡಿವೆ. ಇದರಿಂದಾಗಿ ಮೀನುಗಾರರು ಬೋಟ್‌ಗಳನ್ನು ಜೆಟ್ಟಿಯಲ್ಲಿ ಸುರಕ್ಷಿತವಾಗಿ ಇಡಲು ಸಂಕಷ್ಟ ಪಡುತ್ತಿದ್ದಾರೆ.
ಮಲ್ಪೆ ಬಂದರಿನಲ್ಲಿ ಸುಮಾರು 2500 ಬೋಟ್‌ಗಳಿದ್ದು ಇಲ್ಲಿ ಲಂಗರು ಹಾಕುವುದೇ ದೊಡ್ಡ ಸಮಸ್ಯೆಯಾಗಿದೆ. ಒಂದೊಂದು
ಗೂಟದಲ್ಲಿ 20ರಿಂದ 25 ಬೋಟ್‌ಗಳನ್ನು ಹಗ್ಗದಿಂದ ಕಟ್ಟಲಾಗುತ್ತಿದೆ. ಇದೀಗ ಇಲ್ಲಿ ಬೋಟ್‌ಗಳಿಗೆ ಸುರಕ್ಷೆ ಇಲ್ಲದೆ ಸಮುದ್ರದ ಉಬ್ಬರ ವೇಳೆ ಬೋಟ್‌ಗಳು ಯಾವುದೇ ಆಧಾರ ಇಲ್ಲದೆ ಹಿಂದಕ್ಕೆ ಚಲಿಸಿ ಸಮುದ್ರ ಪಾಲಾಗುವ ಮೂಲಕ ಅವಘಡಕ್ಕೆ ಕಾರಣವಾಗುತ್ತಿದೆ.
Related Articles
Advertisement
ತಿಂಗಳೊಳಗೆ ಕಾಮಗಾರಿ ಆರಂಭರಾಜ್ಯ ಮೀನುಗಾರಿಕೆ ಸಚಿವ ಮಾಂಕಾಳ ವೈದ್ಯ ಅವರು ಮಲ್ಪೆ ಬಂದರಿಗೆ ಭೇಟಿ ನೀಡಿ ಬಂದರು ಪರಿಶೀಲನೆ ನಡೆಸಿದ್ದಾರೆ. ಬಂದರಿನ ಕೆಲವೊಂದು ಸಮಸ್ಯೆಗಳನ್ನು ಪರಿಹರಿಸುವಲ್ಲಿ ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ. ಬಂದರು ಮತ್ತು ಮೀನುಗಾರಿಕೆ ಇಲಾಖೆ ಈಗಾಗಲೇ ಬಂದರು ಪರಿಶೀಲನೆ ನಡೆಸಿ ಜೆಟ್ಟಿಯಲ್ಲಿ ಎಲ್ಲೆಲ್ಲಿ ಬೊಲಾರ್ಡ್‌ ಗಳು ಹಾನಿಯಾಗಿದೆ ಅದೆಲ್ಲವನ್ನು ಗುರುತಿಸಿ ಅಂದಾಜು ಪಟ್ಟಿಯನ್ನು ತಯಾರಿಸಿ, ಬಂದರು ಮತ್ತು ಮೀನುಗಾರಿಕೆ ಇಲಾಖೆಯ ಕಾರ್ಯ ನಿರ್ವಾಹಕರಿಗೆ ಸಲ್ಲಿಸಲಾಗಿದೆ. ಸರಕಾರದಿಂದ ಅನುದಾನ ಬಿಡುಗಡೆಯಾದ ತತ್‌ಕ್ಷಣ ಕಾಮಗಾರಿಯನ್ನು ಆರಂಭಿಸಲಾಗುವುದು, ಈ ಬಗ್ಗೆ ಪ್ರಕ್ರಿಯೆಗಳು
ನಡೆಯುತ್ತಿದ್ದು ತಿಂಗಳೊಳಗೆ ಕಾಮಗಾರಿ ಆರಂಭಗೊಳ್ಳಲಿದೆ ಈ ಬಗ್ಗೆ ಎಲ್ಲ ಪ್ರಯತ್ನ ಮಾಡಲಾಗುತ್ತಿದೆ ಎಂದು ಮೀನುಗಾರಿಕೆ ಇಲಾಖೆಯ ಅಧಿಕಾರಿಗಳು ತಿಳಿಸಿದ್ದಾರೆ. ಅಧಿಕಾರಿಗಳಿಗೆ ಮನವಿ
ಬೋಟ್‌ ಕಟ್ಟುವ ಗೂಟಗಳು ಹಾನಿಗೊಂಡು ಬೋಟ್‌ ಮಾಲಕರಿಗೆ ಬಹಳ ಸಮಸ್ಯೆಯಾಗಿದೆ. ಈಗಾಗಲೇ ಮೀನುಗಾರಿಕೆ ಅಧಿಕಾರಿಗಳಿಗೂ ಮನವಿ ಮಾಡಲಾಗಿದೆ. ಕಳೆದ ವಾರ ಮೀನುಗಾರಿಕ ಸಚಿವರು ಬಂದರಿಗೆ ಬಂದ ವೇಳೆ ಅವರ ಗಮನಕ್ಕೂ ತರಲಾಗಿದ್ದು ತತ್‌ಕ್ಷಣ ಸ್ಪಂದಿಸುವ ಭರವಸೆಯನ್ನು ನೀಡಿದ್ದಾರೆ.
-ದಯಾನಂದ ಕೆ. ಸುವರ್ಣ, ಅಧ್ಯಕ್ಷರು,
ಮೀನುಗಾರರ ಸಂಘ *ನಟರಾಜ್‌ ಮಲ್ಪೆ