ಮಳ್‌ಹರ್‌ ಇಸ್ಲಾಮಿಕ್‌ ನಾಲ್ಕನೇ ಸ್ವಲಾತ್‌ ವಾರ್ಷಿಕೋತ್ಸವ

ಮುಂಬಯಿ: ಕಾಸರಗೋಡಿನ ಹೊಸಂಗಡಿ  ಮಳ್‌ಹರ್‌ ಇಸ್ಲಾಮಿಕ್‌ ಸಂಸ್ಥೆ ಇದರ ಮುಂಬಯಿ ಘಟಕದ ವತಿಯಿಂದ 4ನೇ ಸ್ವಲಾತ್‌ ವಾರ್ಷಿಕ ಉತ್ಸವವು ಮುಂಬಯಿಯ ದಾದರ್‌ ಪೂರ್ವದ ಲತ್ವಿàಫಿಯ ಸುನ್ನೀ ಮಸ್ಜಿದ್‌ ಇಲ್ಲಿ ಇತ್ತೀಚೆಗೆ ನಡೆಯಿತು.

ಸಯ್ಯಿದ್‌ ಅಬ್ದುರìಹ್ಮಾನ್‌ ಶಹೀರ್‌ ಅಲ್‌-ಬುಖಾರಿ ನೇತೃತ್ವ ವಹಿಸಿ ಮಾತನಾಡಿ, ಕಾಸರಗೋಡುವಿನಲ್ಲಿ ಕಾರ್ಯಾಚರಿಸುತ್ತಿರುವ ಮಳ್‌ಹರ್‌ ವಿದ್ಯಾ ಸಂಸ್ಥೆ ಇಂದು ದೊಡ್ಡ ಮಟ್ಟದಲ್ಲಿ ಬೆಳವಣಿಗೆಯಾಗಲು ಇತರ ರಾಜ್ಯ ಮತ್ತು ವಿದೇಶಿಯರ ಸಹಕಾರವಾಗಿದೆ. ವಿಶೇಷವಾಗಿ ಮುಂಬಯಿಯಲ್ಲಿ ನೂತನ ಶಾಖೆ ಪ್ರಾರಂಭಿಸಿ ಸಂಸ್ಥೆಗೆ ಪ್ರಚಾರದ ಜೊತೆಗೆ ಸಹಕಾರವನ್ನು ನೀಡಿದ್ದೀರಿ. ಮುಂಬಯಿ ಘಟಕಕ್ಕೆ ವಿಶೇಷ ಅಭಿನಂದನೆಯನ್ನು ಸಲ್ಲಿಸುತ್ತಿದ್ದೇನೆ ಎಂದು ಹೇಳಿದರು.

ಡಾ| ಹುಸೈನ್‌ ಸಖಾಫಿ ಚುಳ್ಳಿ ಕ್ಕೋಡ್‌ ಮುಖ್ಯ ಪ್ರಭಾಷಣ ಗೈದರು.  ಮಾಸ್ಟರ್‌ ಶಿಹಾನ್‌ ಉಳ್ಳಾಲ, ಹಿಲಾಲ್‌ ಬಶೀರ್‌, ಹಸನ್‌ ಮುಸ್ಲಿಯಾರ್‌ ಮುಂಬ್ರಾ,  ಮುಂಬಯಿ  ಘಟಕ ಅಧ್ಯಕ್ಷ ಸತ್ತಾರ್‌ ಬದ್ರಿಯ, ಉಪಾಧ್ಯಕ್ಷ ಮುಸ್ತಫಾ ಕುಳರ್‌, ಕಾರ್ಯದರ್ಶಿ ಮುಝಿ¾ಲ…, ಕೋಶಾಧಿಕಾರಿ ಅಶ್ರಫ್‌ ಬೊಳಾ¾ರ್‌, ಸದಸ್ಯರಾದ ಇಲ್ಯಾಸ್‌ ತೌಡುಗೋಳಿ, ಅಝೀಝ್ ಕಿನ್ಯ ಮೊದಲಾದವರು ಭಾಗವಹಿಸಿದ್ದರು. ಸ್ಥಳೀಯ ಖತೀಬ್‌ ಇಸ್ಮಾಯಿಲ್‌ ಅಂಜಾದಿ ಅವರು ಸ್ವಾಗತಿಸಿದರು. ಮುಂಬಯಿ ಘಟಕ ಮ್ಯಾನೇಜರ್‌ ಸಿದ್ದಿಕ್‌ ಮುಸ್ಲಿಯಾರ್‌ ಮೌಲಾನ ವಂದಿಸಿದರು.

ಈ ಸಂದರ್ಭದಲ್ಲಿ ಸಯ್ಯಿದ್‌ ಅಬ್ದುರ್‌ ರೆಹ್ಮಾನ್‌ ಶಹೀರ್‌ ಅಲ್‌-ಬುಖಾರಿ ಮತ್ತು ಸಯ್ಯಿದ್‌ ಅಬ್ದುರ್ರೆಹ್ಮಾನ್‌ ಶಹೀರ್‌ ಅಲ್‌-ಬುಖಾರಿ ಇವರನ್ನು ಮುಂಬಯಿ ಘಟಕದ ವತಿಯಿಂದ ಸಮ್ಮಾನಿಸಿ ಗೌರವಿಸಲಾಯಿತು. ಸಮಾಜ ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಉಪಸ್ಥಿತರಿದ್ದರು.