Malaysia Open Super 1000: ಪ್ರಶಸ್ತಿ ಸುತ್ತಿನಲ್ಲಿ ಚಿರಾಗ್‌-ಸಾತ್ವಿಕ್‌

ಕೌಲಾಲಂಪುರ: ಏಷ್ಯನ್‌ ಗೇಮ್ಸ್‌ ಬಂಗಾರ ವಿಜೇತ ಜೋಡಿಯಾದ ಚಿರಾಗ್‌ ಶೆಟ್ಟಿ-ಸಾತ್ವಿಕ್‌ ಸಾಯಿರಾಜ್‌ ರಾಂಕಿರೆಡ್ಡಿ ವರ್ಷದ ಮೊದಲ ಬ್ಯಾಡ್ಮಿಂಟನ್‌ ಪಂದ್ಯಾವಳಿಯಲ್ಲೇ ಪ್ರಶಸ್ತಿಗೆ ಹತ್ತಿರವಾಗಿದ್ದಾರೆ. ಇವರು “ಮಲೇಷ್ಯಾ ಓಪನ್‌ ಸೂಪರ್‌ 1000′ ಕೂಟದ ಫೈನಲ್‌ ತಲುಪಿದ್ದಾರೆ.

ವಿಶ್ವ ರ್‍ಯಾಂಕಿಂಗ್‌ನಲ್ಲಿ 2ನೇ ಸ್ಥಾನದಲ್ಲಿರುವ ಚಿರಾಗ್‌-ಸಾತ್ವಿಕ್‌ ಶನಿವಾರದ ಜಿದ್ದಾಜಿದ್ದಿ ಸೆಮಿಫೈನಲ್‌ ಪಂದ್ಯದಲ್ಲಿ ಕೊರಿಯಾದ ವಿಶ್ವ ಚಾಂಪಿಯನ್ನರಾದ ಸೆವೊ ಸೆಯುಂಗ್‌ ಜೇ-ಕಾಂಗ್‌ ಮಿನ್‌ ಅವರನ್ನು 21-18, 22-20 ಅಂತರದಿಂದ ಮಣಿಸಿದರು.

ಫೈನಲ್‌ ಗೆದ್ದರೆ ಚಿರಾಗ್‌-ಸಾತ್ವಿಕ್‌ಗೆ 2ನೇ ಸೂಪರ್‌ 1000 ಪ್ರಶಸ್ತಿ ಒಲಿದಂತಾಗುತ್ತದೆ. ಮೊದಲ ಸೂಪರ್‌ 1000 ಪ್ರಶಸ್ತಿ ಕಳೆದ ಜೂನ್‌ನಲ್ಲಿ “ಇಂಡೋನೇಷ್ಯನ್‌ ಓಪನ್‌’ನಲ್ಲಿ ಒಲಿದಿತ್ತು. ಅಂದಿನ ಸೆಮಿಫೈನಲ್‌ನಲ್ಲೂ ಇವರಿಗೆ ಇದೇ ಕೊರಿಯನ್‌ ಜೋಡಿ ಎದುರಾಗಿತ್ತು.