Malayalam Cinema: ಲೈಂಗಿಕ ದೌರ್ಜನ್ಯ ಪ್ರಕರಣ 17ಕ್ಕೇರಿಕೆ!

ತಿರುವನಂತಪುರ: ನೆರೆಯ ಕೇರಳ ಚಿತ್ರರಂಗದಲ್ಲಿ ನಟಿಯರ ಮೇಲಿನ ಲೈಂಗಿಕ ದೌರ್ಜನ್ಯ ಪ್ರಕರಣ ಗಳು ಬಿರುಗಾಳಿಯನ್ನೇ ಎಬ್ಬಿಸಿದೆ. ಈವರೆಗೆ ಒಟ್ಟು 17 ಲೈಂಗಿಕ ದೌರ್ಜನ್ಯ ಪ್ರಕರಣಗಳು ದಾಖಲಾಗಿವೆ.

ಈ ಮಧ್ಯೆ 2013ರಲ್ಲಿ ಚಿತ್ರೀ ಕರಣದ ವೇಳೆ ನಟರೊಬ್ಬರು ತಮ್ಮ ಮೇಲೆ ಲೈಂಗಿಕ ದೌರ್ಜನ್ಯ ಎಸಗಿದ್ದಾರೆಂದು ಆರೋಪಿಸಿ ನಟಿ ಸೋನಿಯಾ ಮಲ್ಹಾರ ವಿಶೇಷ ತನಿಖಾ ತಂಡಕ್ಕೆ ದೂರು ನೀಡಿದ್ದಾರೆ. ಹಾಗೆಯೇ ಈ ಆರೋಪವನ್ನು ನಟ ಜಯಸೂರ್ಯ ಜತೆ ನಂಟು ಹಾಕಬಾರದು ಎಂದೂ ಹೇಳಿದ್ದಾರೆ.

ಹೆಸರು ಬಹಿರಂಗಕ್ಕೆ ಆಗ್ರಹ
ಕೇರಳ ಸಿನೆಮಾ ಉದ್ಯೋಗಿಗಳ ಒಕ್ಕೂಟ (ಎಫ್ಇಎಫ್ಕೆಎ) ನಿರ್ದೇಶಕರ ಸಂಘವು, ನ್ಯಾ| ಹೇಮಾ ಸಮಿತಿಯಲ್ಲಿ ಹೆಸರಿಸಲಾದ ಲೈಂಗಿಕ ದೌರ್ಜನ್ಯ ಎಸಗಿದವರ ಹೆಸರನ್ನು ಬಹಿರಂಗಗೊಳಿಸುವಂತೆ ಆಗ್ರಹಿಸಿದೆ.2016ರಲ್ಲಿ ತಮ್ಮ ಮೇಲೆ ನಟ ಸಿದ್ದಿಕ್‌ ದೌರ್ಜನ್ಯ ಎಸ ಗಿ ದ್ದರು ಎಂದು ನಟಿ ಆರೋಪಿಸಿದ ಬೆನ್ನಲ್ಲೇ ಅತ್ಯಾ ಚಾರ ಪ್ರಕರಣ ದಾಖಲಿಸಲಾ ಗಿದೆ.

ಹಿರಿಯ ನಟ ಅನುಚಿತ ವರ್ತನೆ: ನಟಿ ಉಷಾ
1992ರಲ್ಲಿ ಮಲಯಾಳದ ಹಿರಿಯ ನಟರೊ ಬ್ಬರು ನನ್ನೊಂದಿಗೆ ಅಸಭ್ಯವಾಗಿ ವರ್ತಿಸಿದ್ದರು ಎಂದು ನಟಿ ಉಷಾ ಬುಧವಾರ ಆರೋಪಿಸಿದ್ದಾರೆ.

ಈ ವಿಚಾರವನ್ನು ನಾನು ಮೋಹನ್‌ ಲಾಲ್‌ಗ‌ೂ ತಿಳಿಸಿದ್ದೆ ಎಂದಿದ್ದಾರೆ. ಜತೆಗೆ ತಮ್ಮೊಂದಿಗೆ ಅನುಚಿತವಾಗಿ ವರ್ತಿಸಿದ್ದ ನಟ ಈಗ ಬದುಕಿಲ್ಲ. ಅದರ ವೀಡಿಯೋ ಈಗ ಹರಿ ದಾಡುತ್ತಿರುವ ಕಾರಣ ನಾನು ಈ ಮಾಹಿತಿ ನೀಡಬೇಕಾಯಿತು ಎಂದಿದ್ದಾರೆ.

ಬೆದರಿಕೆ ಇದೆ: ಮೀನೂ
ನಟ, ಶಾಸಕ ಎಂ. ಮುಕೇಶ್‌ ಸೇರಿದಂತೆ ನಾಲ್ವರು ಪ್ರಮುಖ ನಟರ ವಿರುದ್ಧ ಲೈಂಗಿಕ ದೌರ್ಜನ್ಯ ಆರೋಪ ಮಾಡಿದ್ದ ನಟಿ ಮೀನೂ ಮುನೀರ್‌, ತನಗೆ ಬೆದರಿಕೆ ಸಂದೇಶಗಳು ಬರಲಾರಂಭಿಸಿವೆ ಎಂದಿದ್ದಾರೆ.