ಕಾವ್ಯಾ ಮಾಧವನ್‌ ನನ್ನ “ಮೇಡಂ’: ಪಲ್ಸರ್‌ ಸುನಿ

ಕೊಚ್ಚಿ: ಬಹುಭಾಷಾ ನಟಿ ಅಪಹರಣ ಮತ್ತು ಲೈಂಗಿಕ ಕಿರುಕುಳ ಪ್ರಕರಣದ ಹಿಂದೆ ನಟ ದಿಲೀಪ್‌ ಪತ್ನಿ ಕಾವ್ಯಾ ಮಾಧವನ್‌ ಇದ್ದಾರೆ. ಅವರೇ ನನ್ನ ಮೇಡಮ್‌ ಎಂದು ಕೃತ್ಯದಲ್ಲಿ ಬಂಧಿತನಾಗಿರುವ ಪ್ರಧಾನ ಸೂತ್ರಧಾರ ಪಲ್ಸರ್‌ ಸುನಿ ಹೇಳಿದ್ದಾನೆ. 

ಕೊಚ್ಚಿಯ ಸ್ಥಳೀಯ ಕೋರ್ಟಲ್ಲಿ ವಿಚಾರಣೆಗೆ ಹಾಜರಾದ ಬಳಿಕ ಕೋರ್ಟ್‌ ಆವರಣದಲ್ಲಿ ಪತ್ರಕರ್ತರಿಗೆ ಆತ ಈ ಮಾಹಿತಿ ನೀಡಿದ್ದಾನೆ. ವಿಚಾರಣೆ ವೇಳೆ ಕಾವ್ಯಾ ಮಾಧವನ್‌ ಹೆಸರನ್ನು ತನಿಖಾ ತಂಡದ ಅಧಿಕಾರಿಗಳಿಗೆ ಪಲ್ಸರ್‌ ಸುನಿ ಹೇಳಿದ್ದ. ಆದರೆ ಕಾವ್ಯಾ ಮಾತ್ರ ಪಲ್ಸರ್‌ ಸುನಿಯ ಜತೆಗೆ ಯಾವುದೇ ನಂಟು ಹೊಂದಿರುವುದನ್ನು ನಿರಾಕರಿಸಿದ್ದರು. ತತ್ವಜ್ಞಾನಿಯಂತೆ ಮಾತನಾಡಿದ ಆತ ಕಳ್ಳನ ಹೇಳಿಕೆಯನ್ನೇಕೆ ಗಮನಿಸಬೇಕು ಎಂದು ಪ್ರಶ್ನಿಸಿದ್ದಾನೆ.