ಪಾರಂಪರಿಕ ತಾಣಕ್ಕೆ ಬೆಂಕಿ

ಟೋಕಿಯೊ: ಜಪಾನ್‌ನ ಒಕಿನಾವ ದ್ವೀಪದಲ್ಲಿ ಬೆಂಕಿ ಹೊತ್ತಿಕೊಂಡ ಪರಿಣಾಮ ಯುನೆಸ್ಕೋ ಗುರುತಿಸಿರುವ ಪಾರಂಪರಿಕ ತಾಣವಾದ ಶುರಿ ಕ್ಯಾಸಲ್‌ ಬಹುತೇಕ ನಾಶವಾಗಿದೆ. ಶುರಿ ಕ್ಯಾಸಲ್‌ ಭಾಗಶಃ ಅಗ್ನಿಗೆ ಆಹುತಿಯಾಗಿದ್ದು, ರಕ್ಷಣಾ ಕಾರ್ಯಕರ್ತರು 12 ಗಂಟೆಗಳ ಕಾಲ ಬೆಂಕಿ ಜತೆ ಸೆಣಸಾಡಿ ಹತೋಟಿಗೆ ತಂದಿದ್ದಾರೆ. ಒಕಿನಾವದ ಸಾಂಕೇತಿಕ ರಾಜಧಾನಿ ನಹಾದ ಅರಮನೆಯ ಮಧ್ಯಭಾಗದಲ್ಲಿ ಮೊದಲು ಬೆಂಕಿ ಕಾಣಿಸಿಕೊಂಡಿತು. ಬಳಿಕ ಅದು ಇತರ ಕಟ್ಟಡಗಳಿಗೂ ವ್ಯಾಪಿಸಿತು ಎಂದು ಅಧಿಕಾರಿಗಳು ಹೇಳಿದ್ದಾರೆ.