ಮದುವೆ ತಂಡದ ಬಸ್ಸು ಟ್ರಕ್ಕಿಗೆ ಢಿಕ್ಕಿ : 5 ಸಾವು, 19 ಮಂದಿಗೆ ಗಾಯ; ಮೂವರು ಗಂಭೀರ

ಹೊಸದಿಲ್ಲಿ : ಮದುವೆ ತಂಡದವರನ್ನು ಒಯ್ಯುತ್ತಿದ್ದ ಪ್ರಯಾಣಿಕರ ಬಸ್ಸು ಮಧ್ಯ ಪ್ರದೇಶದ ಛಿಂದ್ವಾರಾದಲ್ಲಿ ಟ್ರಕ್ಕಿಗೆ ಢಿಕ್ಕಿ ಹೊಡೆದ ಭೀಕರ ಅಪಘಾತದಲ್ಲಿ ಕನಿಷ್ಠ ಐವರು ಮೃತಪಟ್ಟು ಇತರ 19 ಮಂದಿ ಗಾಯಗೊಂಡರು. 19 ಗಾಯಾಳುಗಳಲ್ಲಿ ಕನಿಷ್ಠ ಮೂವರ ಸ್ಥಿತಿ ಚಿಂತಾಜನಕವಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಸರ್ನಾ – ಬಾಂಗಾಂವ್‌ ರಸ್ತೆಯಲ್ಲಿ ಈ ಅಪಘಾತ ನಡೆಯಿತು. ಟ್ರಕ್ಕಿಗೆ ಢಿಕ್ಕಿ ಹೊಡೆದ ರಭಸದಲ್ಲಿ 50 ಪ್ರಯಾಣಿಕರಿದ್ದ ಬಸ್ಸಿನ ಒಂದು ಪಾರ್ಶ್ವ ಪೂರ್ತಿಯಾಗಿ ನಜ್ಜುಗುಜ್ಜಾಗಿದೆ

ಅಪಘಾತದ ಬಳಿಕ ಟ್ರಕ್‌ ಮತ್ತು ಬಸ್ಸಿನ ಚಾಲಕರು ಪರಾರಿಯಾಗಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ. ಛಿಂದ್ವಾರಾ ಪೊಲೀಸ್‌ ಸುಪರಿಂಟೆಂಡೆಂಟ್‌ ಮನೋಜ್‌ ಕುಮಾರ್‌ ರಾಯ್‌ ಅವರು ಆಸ್ಪತ್ರೆಗೆ ಭೇಟಿ ನೀಡಿ ಗಾಯಾಳುಗಳಿಗೆ ಸೂಕ್ತ ಚಿಕಿತ್ಸೆ ನೀಡುವಂತೆ ವೈದ್ಯಾಧಿಕಾರಿಗಳಿಗೆ ಹೇಳಿದ್ದಾರೆ.