ಧೋನಿ ನಿಂಗೆ ವಯಸ್ಸಾಯ್ತೋ..! ಲಾಕ್ ಡೌನ್ ನಲ್ಲಿ ಮಾಹಿ ಲುಕ್ ಕಂಡು ಅಭಿಮಾನಿಗಳಿಗೆ ಶಾಕ್

ರಾಂಚಿ: ಟೀಂ ಇಂಡಿಯಾ ಮಾಜಿ ನಾಯಕ, ವಿಶ್ವಕಪ್ ಹೀರೋ, ಚಾಣಾಕ್ಷ ಆಟಗಾರ ಮಹೇಂದ್ರ ಸಿಂಗ್ ಧೋನಿ ಟೀಂ ಇಂಡಿಯಾಗೆ ಮತ್ತೆ ಆಡುತ್ತಾರಾ? ಅಥವಾ ಕೇವಲ ಐಪಿಎಲ್ ಆಡುತ್ತಾರಾ? ಮಾಹಿ ಯಾವಾಗ ನಿವೃತ್ತಿಯಾಗುತ್ತಾರೆ? ಹೀಗೆ ಸಾಲು ಸಾಲು ಪ್ರಶ್ನೆಗಳು ಅಭಿಮಾನಿಗಳ ಮನದಲ್ಲಿದೆ.

ಕಳೆದ ವರ್ಷದ ವಿಶ್ವಕಪ್ ನಂತರ ಧೋನಿ ಯಾವುದೇ ಕ್ರಿಕೆಟ್ ಪಂದ್ಯವಾಡಿಲ್ಲ. ಆದರೆ ಈ ಬಾರಿಯ ಐಪಿಎಲ್ ನಲ್ಲಿ ಭರ್ಜರಿ ಪ್ರದರ್ಶನ ನೀಡಲು ಧೋನಿ ಉತ್ಸುಕರಾಗಿದ್ದರು. ಐಪಿಎಲ್ ಪ್ರದರ್ಶನದ ಮೇರೆಗೆ ಮತ್ತೆ ಟೀಂ ಇಂಡಿಯಾ ಕದ ತಟ್ಟಲು ಧೋನಿ ಯೋಜನೆ ಹಾಕಿದ್ದರು. ಅದಕ್ಕಾಗಿ ಚೆನ್ನೈನಲ್ಲಿ ಕಠಿಣ ಅಭ್ಯಾಸದಲ್ಲಿ ತೊಡಗಿದ್ದರು. ಆಗ ವಕ್ಕರಿಸಿತ್ತು ಕೋವಿಡ್-19 ಸೋಂಕು. ಕೋವಿಡ್ ಲಾಕ್ ಡೌನ್ ಕಾರಣದಿಂದ ಧೋನಿ ಅಭ್ಯಾಸ ರದ್ದು ಮಾಡಿ ಚೆನ್ನೈನಿಂದ ರಾಂಚಿಗೆ ಮರಳಿದ್ದರು.

ಸದ್ಯ ಲಾಕ್ ಡೌನ್ ಕಾರಣದಿಂದ ಧೋನಿ ರಾಂಚಿಯ ತನ್ನ ಫಾರ್ಮ್ ಹೌಸ್ ನಲ್ಲಿ ಕಾಲ ಕಳೆಯುತ್ತಿದ್ದಾರೆ. ಮಗಳು ಝೀವಾಳೊಂದಿಗೆ ಧೋನಿ ಫಾರ್ಮ್ ಹೌಸ್ ನಲ್ಲಿ ಆಡುತ್ತಿರುವ ವಿಡಿಯೋವೊಂದು ಈಗ ವೈರಲ್ ಆಗಿದ್ದು, ಅದರಲ್ಲಿ ಧೋನಿ ಲುಕ್ ನೋಡಿ ಅಭಿಮಾನನಿಗಳಿಗೆ ಶಾಕ್ ಆಗಿದೆ. ಧೋನಿ ಗಡ್ಡ ಬಿಳಿಯಾಗಿದ್ದು, ದೇಹವೂ ದಪ್ಪವಾಗಿದೆ. ಮಾಹಿ ವಯಸ್ಸಾದವರಂತೆ ಕಾಣುತ್ತಿದ್ದಾರೆ. ಈ ಲುಕ್ ನೋಡಿರುವ ಅಭಿಮಾನಿಗಳು ಧೊನಿ ಮುಂದೆ ಕ್ರಿಕೆಟ್ ಆಡುವುದು ಸಾಧ್ಯನಾ ಎಂದು ಪ್ರಶ್ನಿಸುತ್ತಿದ್ದಾರೆ.

 

Advertisement

 

View this post on Instagram

 

#runninglife post sunset !

A post shared by ZIVA SINGH DHONI (@ziva_singh_dhoni) on May 8, 2020 at 6:53am PDT