Advertisement

ಮಹೇಂದ್ರ ಜೇಲೋ ಪಲ್ಟಿ; ನಾಲ್ವರ ಸಾವು

11:11 PM Aug 24, 2019 | Team Udayavani |

ದೇವನಹಳ್ಳಿ: ತಾಲೂಕಿನ ಹಂದರಹಳ್ಳಿ ಗ್ರಾಮದ ಬಳಿ ಶನಿವಾರ ಮಹೇಂದ್ರ ಜೇಲೋ ವಾಹನ ಪಲ್ಟಿ ಹೊಡೆದ ಪರಿಣಾಮ ಸ್ಥಳದಲ್ಲಿಯೇ ನಾಲ್ವರು ಮೃತಪಟ್ಟಿದ್ದಾರೆ. ಬಾಗೇಪಲ್ಲಿ ತಾಲೂಕಿನ ನಕ್ಕಲಪಲ್ಲಿ ಗ್ರಾಮದ ಮಲ್ಲಿಕಾರ್ಜುನ್‌ ರೆಡ್ಡಿ (26), ಚೇಳೂರು ಹೋಬಳಿಯ ಚಾಕ್‌ವೆಲು ಗ್ರಾಮದ ನಾಗರಾಜ್‌ (25), ಮರವಪಲ್ಲಿ ಗ್ರಾಮದ ಅಶೋಕ್‌ ರೆಡ್ಡಿ (24), ಶಿಡ್ಲಘಟ್ಟ ತಾಲೂಕಿನ ಸೊಣ್ಣೇನಹಳ್ಳಿ ಸುಂದರ್‌ (25) ಮೃತಪಟ್ಟಿರುವ ದುರ್ದೈವಿಗಳು.

Advertisement

ಮಲ್ಲಿಕಾರ್ಜುನ ರೆಡ್ಡಿ ಜಿಕೆವಿಕೆಯಲ್ಲಿ ಕೆಲಸ ಮಾಡುತ್ತಿದ್ದರು. ಅಶೋಕ ರೆಡ್ಡಿಯವರು ಚಾಲಕನಾಗಿ ಕೆಲಸ ಮಾಡುತ್ತಿದ್ದರು. ನಾಗರಾಜ್‌ ಕೆಲಸ ಹುಡುಕುತ್ತಿದ್ದರು. ಬಾಗೇಪಲ್ಲಿ ತಾಲೂಕಿನ ನಕ್ಕಲಪಲ್ಲಿ ಗ್ರಾಮದ ಗಿರೀಶ್‌, ರಮೇಶ್‌, ಮಂಜುನಾಥ್‌, ಅಶೋಕ್‌ ರೆಡ್ಡಿ ಹಾಗೂ ರಘುನಾಥ ರೆಡ್ಡಿ ಎಂಬುವರು ಗಾಯಗೊಂಡಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.

ಬೆಂಗಳೂರಿನ ಕೆ.ಆರ್‌. ಪುರಂ ಸಮೀಪದಲ್ಲಿರುವ ಅವಲಹಳ್ಳಿಯಿಂದ ಬೆಳಗ್ಗೆ 4 ಗಂಟೆ ಸುಮಾರಿನಲ್ಲಿ ಬೂದಿಗೆರೆ ಕ್ರಾಸ್‌ ಮಾರ್ಗವಾಗಿ ನಂದಿಬೆಟ್ಟಕ್ಕೆ ಹೋಗುವ ವೇಳೆಯಲ್ಲಿ ಹಂದರಹಳ್ಳಿ ಸಮೀಪದಲ್ಲಿ ಕಾರು ಅತಿ ವೇಗವಾಗಿ ಹೋಗುತ್ತಿದ್ದ ವೇಳೆ ಘಟನೆ ಸಂಭವಿಸಿದೆ ಎಂದು ತಿಳಿದು ಬಂದಿದೆ. ಗಾಯಗೊಂಡಿರುವ ನಾಲ್ಕು ಮಂದಿ ಹೊಸಕೋಟೆಯ ಸಿಲಿಕಾನ್‌ ಆಸ್ಪತ್ರೆಯ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಗಾಯಗೊಂಡಿರುವರಲ್ಲಿ ಇಬ್ಬರು ಖಾಸಗಿ ಕಂಪನಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದಾರೆ.

Advertisement

Udayavani is now on Telegram. Click here to join our channel and stay updated with the latest news.

Next