ಮಾಹೆ- ಮಾಲ್ಮೋ ವಿ.ವಿ. ಒಪ್ಪಂದ

ಮಣಿಪಾಲ: ಮಣಿಪಾಲ ಮಾಹೆ ಹಾಗೂ ಸ್ವೀಡನ್‌ನ ಮಾಲ್ಮೋ ವಿಶ್ವ ವಿದ್ಯಾನಿಲಯ ಒಪ್ಪಂದ ಪತ್ರಕ್ಕೆ ಸಹಿ ಮಾಡಿವೆ.

ಅಂತಾರಾಷ್ಟ್ರೀಯ ನೆರವು ಯೋಜನೆಗಳಲ್ಲಿ ಮತ್ತು ಸಾಮರ್ಥ್ಯ ವೃದ್ಧಿ ಚಟುವಟಿಕೆಗಳಲ್ಲಿ ವಿನಿಮಯ, ಸಂಶೋಧನೆ, ಅಭಿವೃದ್ಧಿ, ಜಂಟಿ ಕೋರ್ಸು, ಅಂತಾರಾಷ್ಟ್ರೀಯ ಭಾಗೀದಾರಿಕೆ ಮೂಲಕ ನರ್ಸಿಂಗ್‌ ವಿದ್ಯಾರ್ಥಿಗಳ ಮತ್ತು ಪ್ರಾಧ್ಯಾಪಕರ ಅಂತಾರಾಷ್ಟ್ರೀಯ ಸ್ತರದ ಅವಕಾಶಗಳ ಹೆಚ್ಚಳಕ್ಕೆ ಒಪ್ಪಂದ ನೆರವಾಗಲಿದೆ. ಬುಧವಾರ ಮಾಹೆಯ ಕುಲಪತಿ ಡಾ| ಎಚ್‌. ವಿನೋದ್‌ ಭಟ್‌ ಮತ್ತು ಮಾಲ್ಮೋ ವಿ.ವಿ. ಕುಲಪತಿ ಪ್ರೊ| ಕರ್ಸಟಿನ್‌ ಥೋಮ್‌ ಅವರು ಜಂಟಿ ಒಪ್ಪಂದಕ್ಕೆ ಮಣಿಪಾಲದಲ್ಲಿ ಸಹಿ ಮಾಡಿದರು.

ಹಿರಿಯ ಪ್ರಾಧ್ಯಾಪಕಿ ಡಾ| ಎಲಿಜಬೆತ್‌ ಮಾಂಗ್ರಿಯೋ, ಮಾಹೆ ಇಂಟರ್‌ ನ್ಯಾಶನಲ್‌ ಕೊಲಾಬರೇಶನ್‌ ನಿರ್ದೇಶಕ ಡಾ| ರಘು ರಾಧಾಕೃಷ್ಣನ್‌, ಮಣಿಪಾಲ ಕಾಲೇಜ್‌ ಆಫ್ ನರ್ಸಿಂಗ್‌ನ ಡೀನ್‌ ಡಾ| ಅನಿಸ್‌ ಜೋರ್ಜ್‌, ಪ್ರಾಧ್ಯಾಪಕಿ ಡಾ| ಬೇಬಿ ಎಸ್‌. ನಾಯಕ್‌ ಉಪಸ್ಥಿತರಿದ್ದರು.