ವೆನ್ಲಾಕ್‌ ಒಪಿಡಿಗೆ ಮಾಹೆ ಹೊಸ ರೂಪ

ಮಂಗಳೂರು: ಸಂಪೂರ್ಣ ಶಿಥಿಲವಾಗಿದ್ದ ಜಿಲ್ಲಾ ಸರಕಾರಿ ವೆನ್ಲಾಕ್‌ ಆಸ್ಪತ್ರೆಯ ಹೊರ ರೋಗಿ ವಿಭಾಗ ಈಗ ಹೊಸರೂಪ ಪಡೆದುಕೊಂಡಿದೆ. ಮಾಹೆ ವಿಶ್ವವಿದ್ಯಾನಿಲಯದ ಸಾಮಾಜಿಕ ಬದ್ಧತಾ ಕಾರ್ಯಕ್ರಮದಡಿ 50 ವರ್ಷ ಹಳೆಯ ವಿಭಾಗವನ್ನು 50 ಲಕ್ಷ ರೂ. ವೆಚ್ಚದಲ್ಲಿ ನವೀಕರಿಸಲಾಗಿದೆ.

ಒಪಿಡಿ ಕಟ್ಟಡ ಹಳೆಯದಾಗಿ ಶಿಥಿಲಗೊಂಡಿರುವ ಬಗ್ಗೆ ಎರಡು ವರ್ಷಗಳ ಹಿಂದೆ ಆಸ್ಪತ್ರೆಯ ವೈದ್ಯ ಕೀಯ ಅಧೀಕ್ಷಕರು ಪ್ರಸ್ತಾವ ಕಳುಹಿಸಿದ್ದರು. ಮಾಹೆ ವಿ.ವಿ. ತನ್ನ ರಜತ ಮಹೋತ್ಸವ ಆಚರಣೆ ವೇಳೆ 2018ನೇ ಇಸವಿಯಲ್ಲಿ ಅದರ ನವೀಕರಣಕ್ಕೆ ಮುಂದಾಗಿತ್ತು. ಒಂದೂವರೆ ವರ್ಷಗಳ ಹಿಂದೆ ಕಾರ್ಯವನ್ನು ಕೈಗೆತ್ತಿಕೊಳ್ಳಲಾಗಿತ್ತು.

ಈಗ ನವೀಕರಣ ಕೆಲಸವು ಮುಗಿದು ವಿಭಾಗವು ಸಂಪೂರ್ಣ ಹೊಸರೂಪ ಪಡೆದು ಕೊಂಡಿದೆ. ಇಡೀ ವಿಭಾಗವನ್ನು ನವೀ ಕರಿಸಲಾಗಿದ್ದು, ಒಪಿಡಿಯಲ್ಲಿ ಸಂಪೂರ್ಣವಾಗಿ ಪ್ಲಾಸ್ಟರಿಂಗ್‌ ಮಾಡಲಾಗಿದೆ. ರೂಫ್ಟಾಪ್‌ ಭದ್ರವಾಗಿದ್ದು, ಸೋರುವಿಕೆಯಿಂದ ಮುಕ್ತಿಸಿಕ್ಕಿದೆ. ಪೈಂಟಿಂಗ್‌ ಮೂಲಕ ಕಟ್ಟಡ ವನ್ನು ಆಕರ್ಷಕಗೊಳಿಸಲಾಗಿದೆ.