ನಾಶಿಕ್‌ : ಜನದಟ್ಟನೆಯ ಪ್ರದೇಶಕ್ಕೆ ನುಗ್ಗಿದ ಚಿರತೆ; ಮೂವರಿಗೆ ಗಾಯ

ನಾಶಿಕ್‌ : ಮಹಾರಾಷ್ಟ್ರದ ನಾಶಿಕ್‌ ಜಿಲ್ಲೆಯ ಜನದಟ್ಟನೆಯ ಪ್ರದೇಶಕ್ಕೆ ಲಗ್ಗೆ ಇಟ್ಟ ಚಿರತೆಯೊಂದು ಓರ್ವ ಸ್ಥಳೀಯ ರಾಜಕಾರಣಿ ಮತ್ತು ಇಬ್ಬರು ಮಾಧ್ಯಮ ಮಂದಿಯ ಮೇಲೆ ದಾಳಿ ನಡೆಸಿ ಗಾಯಗೊಳಿಸಿದ ಅನೇಕ ತಾಸುಗಳ ತರುವಾಯ ಅದನ್ನು ಸೆರೆ ಹಿಡಿಯಲಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.

ನಸುಕಿನ ವೇಳೆಯಲ್ಲೇ ಸಾವರ್ಕರ್‌ ನಗರದಲ್ಲಿ ಠಳಾಯಿಸತೊಡಗಿದ ಚಿರತೆ ಮೂವರ ಮೇಲೆ ದಾಳಿ ಮಾಡಿದ ಬಳಿಕ ಅರಣ್ಯ ಇಲಾಖೆ ಸಿಬಂದಿಗಳನ್ನು ಬೆಳೆಗ್ಗೆ ಸುಮಾರು 10.45ರ ಹೊತ್ತಿಗೆ ಅದನ್ನು ಸೆರೆ ಹಿಡಿಯುವಲ್ಲಿ ಯಶಸ್ವಿಯಾದರು. 

ಸ್ಥಳೀಯ ಶಿವ ಸೇನಾ ಕಾರ್ಪೊರೇಟರ್‌ ಸಂತೋಷ್‌ ಗಾಯಕ್‌ವಾಡ್‌, ಟಿವಿ ಸುದ್ದಿ ವಾಹಿನಿಯ ಕ್ಯಾಮೆರಾಮ್ಯಾನ್‌ ತಾಬ್ರೆಜ್‌ ಶೇಕ್‌ ಮತ್ತು ಕಪಿಲ್‌ ಭಾಸ್ಕರ್‌ ಚಿರತೆ ದಾಳಿಯಲ್ಲಿ ಗಾಯಗೊಂಡರು. ಅವರನ್ನು ಕೂಡಲೇ ಸ್ಥಳೀಯ ಆಸ್ಪತ್ರೆಗೆ ಒಯ್ದು ಚಿಕಿತ್ಸೆ ನೀಡಲಾಯಿತು.