Advertisement
“ಫೆಡರರ್ ವಿಶ್ವದ ಅತ್ಯುತ್ತಮ ಆಟಗಾರರಲ್ಲಿ ಒಬ್ಬರು. ಅದರಲ್ಲಿ ಯಾವುದೇ ಮುಚ್ಚುಮರೆ ಇಲ್ಲ. ನಮಗೆ ಖುಷಿಯಾಗಿದೆ. ಏಕೆಂದರೆ ಮ್ಯಾಡ್ರಿಡ್ಗೆ ಅವರ ಮರಳುವಿಕೆ ಇಡೀ ಕೂಟಕ್ಕೆ ಒಂದು ಉಡುಗೊರೆ. ವಿಶಿಷ್ಟ ಆಟಗಾರರ ಆಟವನ್ನು ನೋಡಲು ಅಭಿಮಾನಿಗಳಿಗೆ ಅವಕಾಶ ದೊರಕಿದೆ’ ಎಂದು ಕೂಟದ ನಿರ್ದೇಶಕ ಫೆಲಿಸಿಯಾನೊ ಲೋಪೆಜ್ ಹೇಳಿದ್ದಾರೆ.
ರಫೆಲ್ ನಡಾಲ್ ಬಳಿಕ ಆವೆ ಅಂಗಳದ ಯಶಸ್ವಿ ಆಟಗಾರ ಎನಿಸಿಕೊಂಡಿರುವ ಫೆಡರರ್ 2006, 2009 ಹಾಗೂ 2012ರಲ್ಲಿ ಮ್ಯಾಡ್ರಿಡ್ ಓಪನ್ ಪ್ರಶಸ್ತಿ ಜಯಿಸಿದ್ದರು.ಫೆಡರರ್ ಮಾತ್ರವಲ್ಲದೆ ವಿಶ್ವದ ನಂ. 1 ಆಟಗಾರ ನೊವಾಕ್ ಜೊಕೋವಿಕ್, 11 ಬಾರಿಯ ಫ್ರೆಂಚ್ ಓಪನ್ ಚಾಂಪಿಯನ್ ರಫೆಲ್ ನಡಾಲ್ ಕೂಡ ಈ ಕೂಟದಲ್ಲಿ ಸ್ಪರ್ಧಿಸಲಿದ್ದಾರೆ. ಮೇ 3ರಿಂದ 12ರ ವರೆಗೆ ಮ್ಯಾಡ್ರಿಡ್ ಓಪನ್ ಕೂಟ ನಡೆಯಲಿದೆ.