Maddur; ಕೆಲಸದ ಒತ್ತಡ: ಎಂಜಿನಿಯರ್‌ ಆತ್ಮಹ*ತ್ಯೆ

ಮದ್ದೂರು: ಕೆಲಸದ ಒತ್ತಡದಿಂದಾಗಿ ಖಾಸಗಿ ಕಂಪೆನಿಯ ಎಂಜಿನಿಯರ್‌, ಮೈಸೂರು ಜಿಲ್ಲೆ ಕೆ.ಆರ್‌.ನಗರ ತಾಲೂಕಿನ ಹೆಂಬತ್ತಿ ಗ್ರಾಮದ ರೇವಣ್ಣ ಅವರ ಪುತ್ರ ಜ್ಞಾನೇಶ್‌(28) ನೇಣಿಗೆ ಶರಣಾಗಿರುವ ಘಟನೆ ತಾಲೂಕಿನ ಕೆಸ್ತೂರು ಠಾಣಾ ವ್ಯಾಪ್ತಿಯ ಹೆಬ್ಬೆರಳು ಗ್ರಾಮದಲ್ಲಿ ಶನಿವಾರ ಸಂಭವಿಸಿದೆ.

ಅವರು 4 ವರ್ಷಗಳಿಂದ ಬಾಪೂಜಿ ಕನ್‌ಸ್ಟ್ರಕ್ಷನ್‌ ಕಂಪೆನಿಯಲ್ಲಿ ಬಹುಗ್ರಾಮ ಕುಡಿಯುವ ನೀರು ಯೋಜನೆ ಎಂಜಿನಿಯರ್‌ ಆಗಿದ್ದು, ಕೆಸ್ತೂರು ಗ್ರಾಮದಲ್ಲಿ ವಾಸವಿದ್ದ. ವೇಳೆ ಕೆಲಸದೊತ್ತಡ ಇರುವುದಾಗಿ ತಮ್ಮ ಮೊಬೈಲ್‌ನ ವಾಟ್ಸ್‌ಆ್ಯಪ್‌ ಸ್ಟೇಟಸ್‌ನಲ್ಲಿ ಹಾಕಿಕೊಂಡಿದ್ದು, ಶನಿವಾರ ಹೆಬ್ಬೆರಳು ಗ್ರಾಮದಲ್ಲಿದ್ದ ನೀರಿನ ಟ್ಯಾಂಕ್‌ ಮೇಲೆ ನೇಣು ಬಿಗಿದುಕೊಂಡು ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ.