ದಾಂಡೇಲಿಯಲ್ಲಿ ಗಮನ ಸೆಳೆದ ಎಂ.ಡಿ.ಕೌಶಿಕ್ ಅವರ ಇಂದ್ರಜಾಲ ಕಾರ್ಯಕ್ರಮ

ದಾಂಡೇಲಿ: ಜಿಲ್ಲಾ ಕಸಾಪ ಹಾಗೂ ಕರ್ನಾಟಕ ಸಂಘದ ಆಶ್ರಯದಲ್ಲಿ ದಾಂಡೇಲಿಯ ಕರ್ನಾಟಕ ಸಂಘದ ಪಂಚಗಾನ ಭವನದಲ್ಲಿ ಶುಕ್ರವಾರ ಸಂಜೆ ಮಂಕು ತಿಮ್ಮನ ಕಗ್ಗದೊಳಗೆ ಇಂದ್ರಜಾಲದ ಸೊಬಗು ಕಾರ್ಯಕ್ರಮವು ಅತ್ಯಂತ ಯಶಸ್ವಿಯಾಗಿ ನಡೆದು ಎಲ್ಲರ ಗಮನ ಸೆಳೆಯಿತು.

ಇಂದ್ರಜಾಲ ಕಾರ್ಯಕ್ರಮದ ಆರಂಭಕ್ಕೂ ಮುನ್ನ ಜಿಲ್ಲಾ ಕಸಾಪ ಹಾಗೂ ಕರ್ನಾಟಕ ಸಂಘದ ಪರವಾಗಿ ಜಿಲ್ಲಾ ಕಸಾಪ ಅಧ್ಯಕ್ಷ ಬಿ.ಎನ್.ವಾಸರೆಯವರು ಸನ್ಮಾನಿಸಿದರು. ಎಂ.ಡಿ.ಕೌಶಿಕ್ ಅವರು ಸನ್ಮಾನಕ್ಕೆ ಕೃತಜ್ಞತೆ ಸಲ್ಲಿಸಿ ದಾಂಡೇಲಿಯಲ್ಲಿ ಮೊದಲ ಬಾರಿಗೆ ಕಾರ್ಯಕ್ರಮ ನಡೆಸಲು ಅವಕಾಶವಿತ್ತಿರುವುದಕ್ಕೆ ಕೃತಜ್ಞತೆ ಸಲ್ಲಿಸಿದರು.

ಈ ಸಂದರ್ಭದಲ್ಲಿ ರಾಜ್ಯ ಕೊಂಕಣಿ ಅಕಾಡೆಮಿಯ ಮಾಜಿ ಅಧ್ಯಕ್ಷರಾದ ಆರ್.ಪಿ.ನಾಯ್ಕ, ಪತ್ರಕರ್ತ ಯು.ಎಸ್.ಪಾಟೀಲ, ಕರ್ನಾಟಕ ಸಂಘದ ಕಾರ್ಯದರ್ಶಿ ಮುರ್ತುಜಾ ಆನೆಹೋಸೂರು, ಉಪನ್ಯಾಸಕ ಹನುನಂತ ಕುಂಬಾರ ಉಪಸ್ಥಿತರಿದ್ದರು. ಎಂ.ಡಿ.ಕೌಶಿಕ್ ಅವರ ಇಂದ್ರಜಾಲ ಬಳಗದ ಅನುಷಾ, ನಿಹಾರಿಕಾ, ಕಾವ್ಯಾ, ಸಹನಾ ಮತ್ತು ರೇಣುಕಾ ಸಹಕರಿಸಿದರು. ಮಂಕು ತಿಮ್ಮನ ಕಗ್ಗಕ್ಕೆ ಹೊಂದಿಕೊಂಡು ನಡೆದ ಇಂದ್ರಜಾಲ ಅರ್ಥತ್ ಮ್ಯಾಜಿಕ್, ಜಾದ್ ಕಾರ್ಯಕ್ರಮ ವಿಶಿಷ್ಟ ಕಾರ್ಯಕ್ರಮವಾಗಿ ಮೂಡಿಬಂತು. ಕಾರ್ಯಕ್ರಮದಲ್ಲಿ ಕನ್ನಡ ಸಾಹಿತ್ಯಾಭಿಮಾನಿಗಳು ಮತ್ತು ಕಲಾಭಿಮಾನಿಗಳು ಭಾಗವಹಿಸಿದ್ದರು.