ಲುವಾನ್‌ ಟೆನಿಸ್‌: ಸೆಮಿಯಲ್ಲಿ ಸೋತ ಅಂಕಿತಾ

ಲುವಾನ್‌ (ಚೀನ): ‘ಲುವಾನ್‌ ಟೆನಿಸ್‌ ಟೂರ್ನಿ’ಯ ಸೆಮಿಫೈನಲ್ ಪ್ರವೇಶಿಸಿದ ಭಾರತದ ಅಗ್ರ ಟೆನಿಸ್‌ ವನಿತಾ ಸಿಂಗಲ್ಸ್ಆಟಗಾರ್ತಿ ಅಂಕಿತಾ ರೈನಾ ಸೋಲನುಭವಿಸುವ ಮೂಲಕ ನಿರಾಸೆ ಮೂಡಿಸಿದ್ದಾರೆ.

ಶನಿವಾರ ನಡೆದ ಸೆಮಿಫೈನಲ್ನಲ್ಲಿ ಅಂಕಿತಾ ಆತಿಥೇಯ ನಾಡಿನ ದುವಾನ್‌ ಯಿಂಗಿಂಗ್‌ ವಿರುದ್ಧ 3-6, 6-1, 2-6 ಸೆಟ್‌ಗಳಿಂದ ಸೋತು ಫೈನಲ್ ಪ್ರವೇಶಿಸುವಲ್ಲಿ ವಿಫ‌ಲರಾದರು.

ಮೊದಲ ಸೆಟ್‌ನಲ್ಲಿ ಸೋತ ಅಂಕಿತಾ ದ್ವಿತೀಯ ಸೆಟ್‌ನಲ್ಲಿ ಅತ್ಯುತ್ತಮ ಪ್ರದರ್ಶನ ತೋರಿ ದುವಾನ್‌ ಅವರನ್ನು ಒಂದು ಅಂಕಗಳಿಗೆ ಕಟ್ಟಿಹಾಕುವಲ್ಲಿ ಯಶಸ್ವಿಯಾದರು. ಆದರೆ ನಿರ್ಣಾಯಕ ಸೆಟ್‌ನಲ್ಲಿ ಮೇಲುಗೈ ಸಾಧಿಸಿದ ದುವಾನ್‌ ಫೈನಲ್ ಪ್ರವೇಶಿಸುವಲ್ಲಿ ಯಶಸ್ವಿಯಾದರು.