ಲೂಧಿಯಾನ ಸಿಲಿಂಡರ್‌ ಬ್ಲಾಸ್ಟ್‌: ಮೃತರ ಸಂಖ್ಯೆ 3ಕ್ಕೆ, ತನಿಖೆಗೆ ಆದೇಶ

ಲೂಧಿಯಾನ : ಇಲ್ಲಿನ ಗಿಯಾಸ್‌ಪುರ ಪ್ರದೇಶದಲ್ಲಿ ನಿನ್ನೆ ಸಂಭವಿಸಿದ್ದ ಅಡುಗೆ ಅನಿಲ ಸಿಲಿಂಡರ್‌ ಸ್ಫೋಟಕ್ಕೆ ಬಲಿಯಾದವರ ಸಂಖ್ಯೆ ಮೂರಕ್ಕೆ ಏರಿದೆ. ನಿನ್ನೆಯ ದಿನ ಒಬ್ಬ  ಮಹಿಳೆ ಈ ದುರಂಕ್ಕೆ ಬಲಿಯಾಗಿದ್ದರೆ ಇಂದು ಇನ್ನಿಬ್ಬರು ಗಾಯಾಳುಗಳು ಕೊನೆಯುಸಿರೆಳೆದರು. 

ಮುಖ್ಯಮಂತ್ರಿ ಅಮರೀಂದರ್‌ ಸಿಂಗ್‌ ಅವರು ಈ ದುರ್ಘ‌ಟನೆಯ ತನಿಖೆಗೆ ಆದೇಶಿಸಿದ್ದಾರೆ. ಗಿಯಾಸ್‌ಪುರ ಪ್ರದೇಶದ ಸಾಮ್ರಾಟ್‌ ಕಾಲನಿಯಲ್ಲಿ ಗ್ಯಾಸ್‌ ಸಿಲಿಂಡರ್‌ ಸ್ಫೋಟ ಸಂಭವಿಸಿತ್ತು. ಓರ್ವ ಮಹಿಳೆ ಮೃತಪಟ್ಟು ಇತರ 34 ಮಂದಿ ಗಾಯಗೊಂಡಿದ್ದರು.

ಸಿಲಿಂಡರ್‌ ಸ್ಫೋಟಗೊಂಡಿದ್ದ ಮನೆಯ ಮಾಲಕನ ಪತ್ನಿ 40ರ ಹರೆಯದ ಸುನೀತಾ ರಾಣಿ ನಿನ್ನೆ ಮೃತಪಟ್ಟಿದ್ದರು.