ನವದೆಹಲಿ: ಭಾರತದ ಸ್ಟಾರ್‌ ಕ್ರೀಡಾಪಟು ದ್ಯುತಿ ಚಂದ್ ತನ್ನ ಗೆಳತಿ ಮೊನಾಲಿಸಾ ಅವರೊಂದಿಗೆ ಸಲಿಂಗಿ ಸಂಬಂಧದಲ್ಲಿರುವುದು ಗೊತ್ತೇ ಇದೆ. ಈಗ ದ್ಯುತಿ ಮೊನಾಲಿಸಾ ಅವರೊಂದಿಗೆ ಫೋಟೋವೊಂದನ್ನು ಹಂಚಿಕೊಂಡಿದ್ದು ಸೋಶಿಯಲ್‌ ಮೀಡಿಯಾದಲ್ಲಿ ಚರ್ಚೆ ಹುಟ್ಟು ಹಾಕಿದೆ.
2019 ರಲ್ಲಿ ದ್ಯುತಿ ಚಂದ್ ತಾನು ʼಗೇʼ ಎಂದು ಘೋಷಿಸಿದ್ದರು. ಭಾರತದಲ್ಲಿ ಕ್ರೀಡಾಪಟುವೊಬ್ಬರು “ಗೇ” ಎಂದು ಘೋಷಿಸಿಕೊಂಡವರಲ್ಲಿ ದ್ಯುತಿ ಮೊದಲಿಗರು. ಈ ಸುದ್ದಿ ಆ ವೇಳೆಗೆ ಸಂಚಲನ ಸೃಷ್ಟಿಸಿತ್ತು. ದ್ಯುತಿ ಅವರ ಮನೆಯವರು ಕೂಡ ಮೊದಲಿಗೆ ಇದನ್ನು ಒಪ್ಪಿಕೊಂಡಿರಲಿಲ್ಲ.
ಇದನ್ನೂ ಓದಿ: ಚಾಲಕನಿಗೆ ಹೃದಯಾಘಾತ; ಅಡ್ಡಾದಿಡ್ಡಿಯಾಗಿ ವಾಹನಗಳ ಮೇಲೆ ಸವಾರಿ ಮಾಡಿದ ಬಸ್…
ಡಿ.2 ರಂದು ದ್ಯುತಿ ತನ್ನ ಪ್ರೇಯಸಿಯೊಂದಿಗೆ ಪೋಟೋವೊಂದನ್ನು ಹಂಚಿಕೊಂಡು “ಲವ್ ಇಸ್‌ ಲವ್” ಎಂದು ಕ್ಯಾಪ್ಷನ್‌ ಕೊಟ್ಟಿದ್ದಾರೆ. ಈ ಫೋಟೋಗೆ ಕೆಲವರು ದ್ಯುತಿ ಅವರೇ ಮದುವೆಯಾಗಿದ್ದಾರೆ ಎಂದು ನಂಬಿ ಶುಭಾಶಯವನ್ನು ಕೋರುತ್ತಿದ್ದಾರೆ. ಇನ್ನು ಕೆಲವರು ಇಬ್ಬರು ಶೀಘ್ರದಲ್ಲಿ ಮದುವೆಯಾಗಲಿದ್ದಾರೆ ಎನ್ನುವ ವದಂತಿಗಳೂ ಹಬ್ಬಿವೆ.
ನಿನ್ನನ್ನು ನಿನ್ನೆ ಪ್ರೀತಿಸಿದೆ, ಈಗಲೂ ಪ್ರೀತಿಸಿದೆ,ಯಾವಾಗಲೂ ಪ್ರೀತಿಸುತ್ತಲೇ ಇರುತ್ತೇನೆ ಎಂದು ಬರೆದುಕೊಂಡಿದ್ದಾರೆ. ಮೊನಾಲಿಸಾ ಮದುವೆ ಹೆಣ್ಣಿನಂತೆ ಶೃಂಗಾರಗೊಂಡಿದ್ದು, ಸೂಟ್‌ ಬೂಟ್‌ ತೊಟ್ಟ ದ್ಯುತಿ ಅವರೊಂದಿಗೆ ಕುಳಿತು ಸುಂದರವಾಗಿ ಫೋಟೋ ಕ್ಲಿಕ್ಕಿಸಿದ್ದಾರೆ. ಇದೇ ಕಾರಣದಿಂದ ಇದು ಇವರಿಬ್ಬರ ಮದುವೆ ಎನ್ನುವ ವದಂತಿ ಹಬ್ಬಿತ್ತು.
ದ್ಯುತಿ ಅವರ ತಂಗಿಯ ಮದುವೆ ಸಂಭ್ರಮದಲ್ಲಿ ಈ ಫೋಟೋವನ್ನು ಕ್ಲಿಕ್ಕಿಸಲಾಗಿದೆ. ಈ ಸಂತಸದ ಕ್ಷಣದಲ್ಲಿ ದ್ಯುತಿಯ ಪ್ರೇಯಸಿ ಕೂಡ ಭಾಗಿಯಾಗಿದ್ದಾರೆ.
