Bantwal ಕ್ರೇನ್‌ನ ಮುಂಭಾಗ ತಾಗಿ ಲಾರಿ ಜಖಂ

ಬಂಟ್ವಾಳ: ರಾ. ಹೆ. 75ರ ಬಿ.ಸಿ.ರೋಡಿನ ಅಜ್ಜಿಬೆಟ್ಟು ಕ್ರಾಸ್‌ ಬಳಿ ಕೆಎಸ್ಸಾರ್ಟಿಸಿ ಬಸ್‌ ನಿಲ್ದಾಣದ ಮುಂಭಾಗ ಲಾರಿಯೊಂದಕ್ಕೆ ಕ್ರೇನ್‌ನ ಭಾರ ಎತ್ತುವ ಭಾಗವು ತಾಗಿ ಲಾರಿ ಜಖಂಗೊಂಡ ಘಟನೆ ಮಂಗಳವಾರ ನಡೆದಿದೆ.

ಅಜ್ಜಿಬೆಟ್ಟು ಕ್ರಾಸ್‌ನಲ್ಲಿ ಕ್ರೇನ್‌ ಡಿವೈಡರ್‌ ಕ್ರಾಸ್‌ ಮಾಡುತ್ತಿದ್ದ ಸಂದರ್ಭ ಅದರ ಮುಂಭಾಗವು ಹೆದ್ದಾರಿಯಲ್ಲಿ ಲಾರಿಗೆ ತಾಗಿದೆ. ಘಟನೆಯಿಂದ ಲಾರಿಯ ಮುಂಭಾಗಕ್ಕೆ ಹಾನಿಯಾಗಿದ್ದು, ಚಾಲಕ ಯಾವುದೇ ಅಪಾಯವಿಲ್ಲದೆ ಪಾರಾಗಿದ್ದಾರೆ.

ಘಟನೆಯಿಂದ ಸ್ವಲ್ಪ ಹೊತ್ತು ಟ್ರಾಫಿಕ್‌ ಸಮಸ್ಯೆ ಉಂಟಾಗಿದ್ದು, ಸ್ಥಳಕ್ಕೆ ಬಂಟ್ವಾಳ ಸಂಚಾರ ಪೊಲೀಸರು ತೆರಳಿ ಪರಿಶೀಲನೆ ನಡೆಸಿದ್ದಾರೆ.