ಸೌಲಭ್ಯ ಇಲ್ಲದ ಮನೆ ಬೆಲೆ 5 ಕೋಟಿ! 

ಲಂಡನ್‌: ಆ ಮನೆಗೆ ಕರೆಂಟ್‌, ಶುದ್ಧ ನೀರಿನ ಪೂರೈಕೆ ಇಲ್ಲ, ಈಗಿನ ಅಗತ್ಯತೆಯಾದ ಇಂಟರ್‌ನೆಟ್‌ ಕೂಡ ಇಲ್ಲ. ಆದರೂ ಮನೆಯ ಬೆಲೆ 5.5 ಕೋಟಿ ರೂಪಾಯಿ!

ಯು.ಕೆ.ಯ ಡೆವಾನ್‌ ಪ್ರದೇಶದ ಆಫ್ ಗ್ರಿಡ್‌ ಮನೆ ಮಾರಾಟಕ್ಕಿದೆ.  ಈ ಮನೆಯಲ್ಲಿರುವವರು ಬಾಗಿಲು ತೆರೆದರೆ ಕಾಣುವುದು ವಿಶಾಲ ಸಮುದ್ರದ ಅದಮ್ಯ ಸೌಂದರ್ಯ. ಸಮುದ್ರದೊಳಗಿನ ದ್ವೀಪದಂತಿರುವ ಪ್ರದೇಶದಲ್ಲಿ ಇರುವ ಒಂಟಿ ಮನೆಯದು. 3 ರೂಂಗಳು, 1 ಕಿಚನ್‌, 1 ಹಾಲ್‌, 1 ಶವರ್‌ ರೂಂ ಇರುವ ಮನೆಯಲ್ಲಿ ಶಾಂತಿಯಿಂದ ವಾಸಿಸಲು ಬಯಸುವವರು ನೆಮ್ಮದಿಯಾಗಿ ಬದುಕುಬಹುದು ಎನ್ನುತ್ತಾನೆ ಅದರ ಮಾಲಕ ಮಿಚೆಲ್‌ ಸ್ಟೀವನ್ಸ್‌.