ಅವಳಿ ಮಕ್ಕಳ ಗಾತ್ರದಲ್ಲಿತ್ತು ಒಂದೇ ಮಗು!

ಲಂಡನ್‌: ಗರ್ಭಿಣಿಯ ಭಾರೀ ಉಬ್ಬಿದ ಹೊಟ್ಟೆ ಕಂಡು ವೈದ್ಯರು “ನಿಮಗೆ ಅವಳಿ ಮಗು ಹುಟ್ಟುತ್ತೆ’ ಅಂತಲೇ ಹೇಳಿದ್ದರು. ಆದರೆ ಹೆರಿಗೆ ಬಳಿಕ ಹೊರಬಂದ ಮಗು ಇಂಗ್ಲೆಂಡಿನಲ್ಲಿ ದಾಖಲೆ ನಿರ್ಮಿಸಿದೆ.

ಬರೋಬ್ಬರಿ 5.8 ಕಿಲೋ ತೂಕದ ಮಗು ಸ್ವತಃ ವೈದ್ಯರ ಲೆಕ್ಕಾಚಾರವನ್ನೇ ಉಲ್ಟಾ ಮಾಡಿದೆ. ಎಮಿಲಿಯಾಗೆ ಅವಳಿ ಮಕ್ಕಳ ಗರ್ಭಿಣಿಗೆ ಇರುವಂಥ ಹೊಟ್ಟೆಯೇ ಇತ್ತು. ಸ್ಕ್ಯಾನಿಂಗ್‌ನಲ್ಲೂ ಗರ್ಭ ಕೋಶದಲ್ಲಿನ ಮಗು ಬಗ್ಗೆ ಅಷ್ಟು ನಿಖರತೆ ಸಿಕ್ಕಿರಲಿಲ್ಲ.

ಸಾಮಾನ್ಯವಾಗಿ ಅವಳಿ ಮಗು ಅತೀ ಹೆಚ್ಚು ಎಂದರೆ 3.4 ಕಿಲೋ ತೂಗುತ್ತದೆ. ಆದರೆ ಪ್ರಸ್ತುತ ಎಮಿಲಿಯಾಗೆ ಜನಿಸಿದ ದಷ್ಟಪುಷ್ಟ ಮಗು ಈಗ ಇಂಗ್ಲೆಂಡಿನಲ್ಲಿ ಹುಟ್ಟಿದ 2ನೇ ಅತೀ ತೂಕದ ಮಗು ಎಂಬ ಹೆಗ್ಗಳಿಕೆಗೆ ಪಾತ್ರವಾಗಿದೆ. 2012ರಲ್ಲಿ ಹುಟ್ಟಿದ ಮಗು ಇದಕ್ಕಿಂತ 900 ಗ್ರಾಂ ಹೆಚ್ಚು ತೂಕ ಹೊಂದಿತ್ತು.