Lok SabhaElection: ಎ.16ರಿಂದಲೇ ಚುನಾವಣೆ ಪ್ರಕ್ರಿಯೆ ಶುರು?

ಹೊಸದಿಲ್ಲಿ: ಬಹು ನಿರೀಕ್ಷಿತ ಲೋಕಸಭೆ ಚುನಾವಣೆ ಯಾವಾಗ ಎಂಬ ಚರ್ಚೆಗಳು ನಿಧಾನಕ್ಕೆ ದೇಶದ ಜನರಲ್ಲಿ ಶುರುವಾಗಿದೆ. ಅದಕ್ಕೆ ಏ.16ರಿಂದ ನಡೆಯಲಿದೆ ಎಂಬ ವದಂತಿಯೂ ಮಂಗಳವಾರ ಹರಿದಾಡಿದೆ. ಅದಕ್ಕೆಲ್ಲ ಕಾರಣವಾದದ್ದು ದೆಹಲಿ ಚುನಾವಣಾ ಆಯೋಗ ಜ.19ರಂದು ಹೊರಡಿಸಿದ್ದ ಆಂತರಿಕ ಸುತ್ತೋಲೆ.

ದೆಹಲಿಯ 11 ಜಿಲ್ಲೆಗಳ ಎಲ್ಲಾ ಚುನಾವಣಾಧಿಕಾರಿಗಳಿಗೆ ಹೊರಡಿಸ ಲಾಗಿದ್ದ ಸುತ್ತೋಲೆಯಲ್ಲಿ ಏ.16ರ ಮೊದಲು ಜಿಲ್ಲಾ ಚುನಾವಣಾ ಅಧಿಕಾರಿ ಗಳು ಭಾರತದ ಚುನಾವಣಾ ಆಯೋ ಗದ ಚುನಾವಣಾ ನಡೆಸುವ ಬಗೆಗಿನ ಕಾರ್ಯಸೂಚಿಯ ಬಗ್ಗೆ ವರದಿಯನ್ನು ಸಲ್ಲಿಸುವಂತೆ ಸೂಚನೆ ನೀಡಲಾಗಿತ್ತು. ಸುತ್ತೋಲೆಯಲ್ಲಿ ಏ.16ರಂದು ಲೋಕಸಭೆ ಚುನಾವಣೆ ಎಂದು ನಮೂದಿಸಿದ ಹಿನ್ನೆಲೆಯಲ್ಲಿ ಈ ವಿಚಾರ ಎಲ್ಲೆಡೆ ಚರ್ಚೆಗೆ ಕಾರಣವಾಗಿದೆ.

ತಾತ್ಕಾಲಿಕ: ಸುತ್ತೋಲೆಯಲ್ಲಿ ಏ.16 ರನ್ನು ಚುನಾವಣೆ ದಿನ ಎಂದು ನಮೂದಿಸಿರುವುದು ಕೇವಲ ತಾತ್ಕಾಲಿಕ ದಿನಾಂಕ ವಾಗಿ ಮಾತ್ರ. ಚುನಾವಣೆ ಸಂಬಂಧಿ ಸಿದ ಕಾರ್ಯಗಳನ್ನು ಪೂರ್ಣ ಗೊಳಿಸಲು ಅಧಿಕಾರಿಗಳಿಗೆ ಗಡುವು ನೀಡುವ ನಿಟ್ಟಿನಲ್ಲಿ ಆ ತಾತ್ಕಾಲಿಕ ದಿನಾಂಕ ನಮೂದಿಸಲಾಗಿತ್ತು. ಲೋಕಸಭೆ ಚುನಾವಣೆಯ ನಿಜವಾದ ದಿನಾಂಕವಲ್ಲ ದೆಹಲಿ ಚುನಾವಣಾ ಆಯೋಗ ಸ್ಪಷ್ಟನೆ ನೀಡಿದೆ.