ಲೋಕಸಭಾ ಚುನಾವಣೆ: ಅಬ್ಬರದ ಪ್ರಚಾರಕ್ಕೆ ತೆರೆ

ಕಾಸರಗೋಡು: ಲೋಕ ಸಭಾ ಚುನಾವಣೆಯ ಅಬ್ಬರದ ಪ್ರಚಾರ ರವಿವಾರ ಸಂಜೆ 6 ಗಂಟೆಗೆ ತೆರೆ ಕಂಡಿತು. ಮತದಾರರನ್ನು ಸೆಳೆಯುವ ಕೊನೆ ಕ್ಷಣದ ಕಸರತ್ತಿನಲ್ಲಿ ಅಭ್ಯರ್ಥಿಗಳು, ರಾಜಕೀಯ ಪಕ್ಷಗಳು, ಕಾರ್ಯಕರ್ತರು ಪ್ರಚಾರದಲ್ಲಿ ಮುಳುಗಿದ್ದರು.

ಕಾಸರಗೋಡಿನಲ್ಲಿ ಎನ್‌ಡಿಎ ಅಭ್ಯರ್ಥಿ ರವೀಶ ತಂತ್ರಿ ಕುಂಟಾರು ಅವರ ಪರ ಕೇಂದ್ರ ರಕ್ಷಣಾ ಸಚಿವೆ ನಿರ್ಮಲ ಸೀತಾರಾಮನ್‌ ನಗರದಲ್ಲಿ ರೋಡ್‌ ಶೋ ನಡೆಸಿದರು. ಕಾಸರಗೋಡು ಕಡಪ್ಪುರದಿಂದ ರೋಡ್‌ಶೋ ಆರಂಭಗೊಂಡು ಬೀಚ್‌ ರಸ್ತೆ, ಬ್ಯಾಂಕ್‌ ರಸ್ತೆಯಾಗಿ ಕರಂದಕ್ಕಾಡ್‌ನ‌ಲ್ಲಿ ಸಮಾಪನಗೊಂಡಿತು.

ಎಡರಂಗದ ಅಭ್ಯರ್ಥಿ ಕೆ.ಪಿ. ಸತೀಶ್ಚಂದ್ರನ್‌ ರೋಡ್‌ ಶೋ ಹೊಸಂಗಡಿಯಿಂದ ಆರಂಭ ಗೊಂಡಿತು.
ಸಚಿವ ಇ.ಚಂದ್ರಶೇಖರನ್‌ ಉದ್ಘಾಟಿಸಿದರು. ಕಲ್ಯಾಶೆÏàರಿಯಲ್ಲಿ ಸಂಪನ್ನಗೊಂಡಿತು.

ಐಕ್ಯರಂಗದ ಅಭ್ಯರ್ಥಿ ರಾಜ್‌ಮೋಹನ್‌ ಉಣ್ಣಿತ್ತಾನ್‌ ರೋಡ್‌ಶೋ ಮೊಗ್ರಾಲ್‌ನಿಂದ ಆರಂಭಗೊಂಡು ಚೆರ್ಕಳದಲ್ಲಿ ಸಂಪನ್ನಗೊಂಡಿತು. ಎಲ್ಲ ರೋಡ್‌ ಶೋಗಳಲ್ಲೂ ತೆರೆದ ವಾಹನದಲ್ಲಿ ಅಭ್ಯರ್ಥಿಗಳ ಜತೆ, ಪ್ರಮುಖ ನೇತಾರರು ಉಪಸ್ಥಿತರಿದ್ದರು. ವಿವಿಧ ವಾಹನಗಳು ಮೆರವಣಿ ಗೆಗೆ ಕಳೆ ನೀಡಿದವು.