Advertisement
ಮಂಗಳೂರು ಕೆಎಸ್ಸಾರ್ಟಿಸಿ ವಿಭಾಗದಲ್ಲಿ ಸದ್ಯ ಕುಂದಾಪುರ, ಉಡುಪಿ, ಮಂಗಳೂರಿನ ಮೂರು ಡಿಪೋಗಳಿದ್ದು, ಸುಮಾರು 600 ಬಸ್‌ಗಳಿವೆ. ಪುತ್ತೂರು ವಿಭಾಗದಲ್ಲಿ ಪುತ್ತೂರು, ಬಿ.ಸಿ. ರೋಡ್‌, ಧರ್ಮಸ್ಥಳ, ಮಡಿಕೇರಿ, ಸುಳ್ಯ ಡಿಪೋಗಳಿವೆ. ಇವುಗಳಲ್ಲಿ ಸುಮಾರು 500ಕ್ಕೂ ಹೆಚ್ಚಿನ ಬಸ್‌ಗಳು ಸಾಮಾನ್ಯ ದಿನಗಳಲ್ಲಿ ಕಾರ್ಯಾಚರಣೆ ನಡೆಸುತ್ತಿವೆ.
Related Articles
Advertisement
ಕೆಎಸ್ಸಾರ್ಟಿಸಿಯ ರೀತಿ ಖಾಸಗಿ ಬಸ್‌ಗಳಿಗೆ ಡಿಪೋ ಇಲ್ಲ. ಲಾಕ್‌ಡೌನ್‌ ಪರಿಣಾಮ ಚಾಲಕರು ಬಸ್‌ ನಿಲ್ಲಿಸಿದಲ್ಲಿಗೆ ಬರಲು ಸಾಧ್ಯವಿಲ್ಲ. ಲಾಕ್‌ಡೌನ್‌ ಮಾದರಿಯ ಕರ್ಫ್ಯೂ ಒಂದು ವೇಳೆ ಮುಂದುವರಿದರೆ ಬಳಿಕ ಬಸ್‌ ಚಾಲೂ ಮಾಡಲು ಖಾಸಗಿ ಬಸ್‌ ಮಾಲಕರು ಸಾವಿರಾರು ರೂಪಾಯಿ ವ್ಯಯಿಸಬೇಕಾದ ಅನಿವಾರ್ಯತೆ ಇದೆ.
ಮತ್ತೂಂದೆಡೆ, ಕರಾವಳಿ ಭಾಗದಲ್ಲಿ ದಿನದಿಂದ ದಿನಕ್ಕೆ ತಾಪಮಾನ ಏರಿಕೆಯಾಗುತ್ತಿದೆ. ಅದರಲ್ಲೂ ಮಧ್ಯಾಹ್ನ ವೇಳೆ ಸುಮಾರು 37 ಡಿ.ಸೆ. ಗರಿಷ್ಠ ತಾಪಮಾನ ದಾಖಲಾಗುತ್ತಿದೆ. ಬಿಸಿಲಿನ ತಾಪ ಹೆಚ್ಚಾದರೂ ವಾಹನಗಳ ಬಿಡಿ ಭಾಗಗಳಲ್ಲಿ ತೊಂದರೆ ಉಂಟಾಗುವ ಸಾಧ್ಯತೆ ಹೆಚ್ಚಿರುತ್ತದೆ. ವಾಹನಗಳನ್ನು ಬಿಸಿಲಿನಲ್ಲಿ ಅನೇಕ ದಿನಗಳ ಕಾಲ ನಿಲ್ಲಿಸಿದ್ದರೆ ಟಯರ್‌ಗಳ ರಬ್ಬರ್‌ ಸವೆದು ಸಮ ಸ್ಯೆ ಯಾ ಗ ಬ ಹು ದು. ಅದೇ ರೀತಿ ಬಿಸಿಲಿನ ತಾಪಕ್ಕೆ ಡೀಸೆಲ್‌ ಕೂಡ ಆವಿಯಾಗುವ ಸಾಧ್ಯತೆ ಇದೆ.
ಮಂಗಳೂರು ಕೆಎಸ್ಸಾರ್ಟಿಸಿ ವಿಭಾಗದ ವಿವಿಧ ಡಿಪೋಗಳಲ್ಲಿ ಸುಮಾರು 600ರಷ್ಟು ಬಸ್‌ಗಳನ್ನು ನಿಲ್ಲಿಸಲಾಗಿದೆ. ಪ್ರತೀ ದಿನ ಸೀಮಿತ ಸಂಖ್ಯೆಯಲ್ಲಿ ಬಸ್‌ಗಳನ್ನು ಪರೀಕ್ಷಾರ್ಥ ಕಾರ್ಯಾಚರಣೆ ನಡೆಸಲಾಗುತ್ತಿದೆ. ಡಿಪೋದಲ್ಲಿಯೇ ಬಸ್‌ ಚಾಲೂ ಮಾಡಿ ತಾಂತ್ರಿಕ ಸಮಸ್ಯೆ ಉಂಟಾಗದಂತೆ ನೋಡಿಕೊಳ್ಳುತ್ತೇವೆ. – ಕಮಲ್‌ ಕುಮಾರ್‌, ಮಂಗಳೂರು ಕೆಎಸ್ಸಾರ್ಟಿಸಿ ವಿಭಾಗದ ಡಿಟಿಒ
ಕಳೆದ ಬಾರಿ ಲಾಕ್‌ಡೌನ್‌ ಸಮಯದಲ್ಲಿ ಬಹುತೇಕ ಖಾಸಗಿ ಬಸ್‌ಗಳಿಗೆ ತಾಂತ್ರಿಕ ಸಮಸ್ಯೆ ಉಂಟಾಗಿತ್ತಿತ್ತು. ಈ ಬಾರಿಯೂ ಲಾಕ್‌ಡೌನ್‌ ಮುಂದುವರಿದರೆ ಸಂಕಷ್ಟ ಎದುರಾಗಲಿದೆ. ಕೆಲವು ಮಾಲಕರು ಸ್ವಂತ ಗ್ಯಾರೇಜ್‌ ಹೊಂದಿದ್ದು, ಅವರಿಗೆ ಸಮಸ್ಯೆ ಇಲ್ಲ. ಆದರೆ ಬಹುತೇಕ ಮಾಲಕರಲ್ಲಿ ಗ್ಯಾರೇಜ್‌ ಇಲ್ಲ. ಬಸ್‌ಗಳಲ್ಲಿ ಹಲವು ದಿನಗಳವರೆಗೆ ನಿಂತಲ್ಲೇ ನಿಲ್ಲಿಸಿದರೆ ಬಸ್‌ಗಳ ಬ್ಯಾಟರಿ, ಬ್ರೇಕ್‌, ಟಯರ್‌ ಸಹಿತ ಬಿಡಿ ಭಾಗಗಳಲ್ಲಿ ಸಮಸ್ಯೆ ಉಂಟಾಗಬಹುದು. – ದಿಲ್‌ರಾಜ್‌ ಆಳ್ವ, ಸಿಟಿ ಬಸ್‌ ಮಾಲಕರ ಸಂಘದ ಅಧ್ಯಕ್ಷ
– ನವೀನ್‌ ಭಟ್‌ ಇಳಂತಿಲ