ರಾಷ್ಟ್ರ ರಾಜಧಾನಿ ದಿಲ್ಲಿ: 14,000 ಮರಗಳಿಗೆ ಕೊಡಲಿಯೇಟು

ಹೊಸದಿಲ್ಲಿ : ಅಭಿವೃದ್ಧಿ ಯೋಜನೆಗಳಿಗಾಗಿ ದಕ್ಷಿಣ ದಿಲ್ಲಿಯಲ್ಲಿನ ಸುಮಾರು 14,000 ಮರಗಳಿಗೆ ಕೊಡಲಿ ಏಟು ಹಾಕುವ ಸರಕಾರದ ಕ್ರಮವನ್ನು ಸ್ಥಳೀಯ ನಿವಾಸಿಗಳು, ಪರಿಸರವಾದಿಗಳು ತೀವ್ರವಾಗಿ ಪ್ರತಿಭಟಿಸಿದ್ದಾರೆ.

ಇದರಿಂದ ಒತ್ತಡಕ್ಕೆ ಗುರಿಯಾಗಿರುವ ಆಮ್‌ ಆದ್ಮಿ ಪಕ್ಷದ ಸರಕಾರ ಮತ್ತು ಕೇಂದ್ರ ಸರಕಾರ ಇದಕ್ಕಾಗಿ ಪರಸ್ಪರರನ್ನು ಆರೋಪಿಸಲು, ಹೊಣೆ ಮಾಡಲು ಯತ್ನಿಸುತ್ತಿವೆ. 

ದಕ್ಷಿಣ ದಿಲ್ಲಿಯ ಸರೋಜಿನಿ ನಗರ, ನವರೋಜಿ ನಗರ, ನೇತಾಜಿನಗರ, ತ್ಯಾಗರಾಜ ನಾಗರ, ಮೊಹಮ್ಮದ್‌ಪುರ ಮತ್ತು ಕಸ್ತೂರ್ಬಾ ನಗರ ದಲ್ಲಿ ಸುಮಾರು 16,500 ಮರಗಳಿಗೆ ಕೊಡಲಿಯೇಟು ಬೀಳಲಿದೆ. ಈ ಪೈಕಿ ಈಗಾಗಲೇ 1,500 ಮರಗಳನ್ನು ಕಡಿದುರುಳಿಸಲಾಗಿದೆ.