Gujarat: ಗಿಫ್ಟ್ ಸಿಟಿಯಲ್ಲಿ ಮದ್ಯ ನಿಷೇಧ ತೆರವು- ವಿಪಕ್ಷಗಳ ಕಿಡಿ

ಗಾಂಧಿನಗರ: ಗುಜರಾತ್‌ನಲ್ಲಿ ಆಡಳಿತಾರೂಢ ಬಿಜೆಪಿ ಸರಕಾರವು ಗುಜರಾತ್‌ ಇಂಟರ್‌ನ್ಯಾಶನಲ್‌ ಫೈನಾನ್ಸ್‌ ಟೆಕ್‌ ಸಿಟಿ(ಗಿಫ್ಟ್ ಸಿಟಿ)ಯಲ್ಲಿ ಮಾತ್ರ ಮದ್ಯ ನಿಷೇಧ ವನ್ನು ಹಿಂಪಡೆಯುವ ತೀರ್ಮಾನ ಪ್ರಕಟಿಸಿದೆ. ಇದರ ಬೆನ್ನಲ್ಲೇ ಬಿಜೆಪಿ ಸರಕಾರದ ವಿರುದ್ಧ ಕಾಂಗ್ರೆಸ್‌ ಮತ್ತು ಆಮ್‌ ಆದ್ಮಿ ಪಕ್ಷ ಮುಗಿಬಿದ್ದಿವೆ. “ಇದು ಅತ್ಯಂತ ದುರ ದೃಷ್ಟಕರ ನಿರ್ಧಾರ.

ಇದರಿಂದ ಯುವಕರು ಹಾಳಾಗುತ್ತಾರೆ. ಈಗ ಗಿಫ್ಟ್ ಸಿಟಿಯಲ್ಲಿ ಮದ್ಯ ನಿಷೇಧ ಹಿಂಪಡೆದಿರುವ ಸರಕಾರವು, ಮುಂದೆ ಹಂತ-ಹಂತವಾಗಿ ರಾಜ್ಯಾದ್ಯಂತ ನಿಷೇಧ ಹಿಂಪಡೆಯಬಹುದು. ಇದರಿಂದ ಅಪಘಾತಗಳು, ಮಹಿಳೆಯರ ಮೇಲಿನ ದೌರ್ಜನ್ಯ ಹೆಚ್ಚಳವಾಗಲಿದೆ” ಎಂದು ವಿಪಕ್ಷ ನಾಯಕ ಅಮಿತ್‌ ಚವ್ಲಾ ಸರಕಾರವನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಇನ್ನೊಂದೆಡೆ, ಕೈಗಾರಿಕೆಗಳು ಹಾಗೂ ಕಂಪೆನಿಗಳ ಮುಖ್ಯಸ್ಥರು ಗುಜರಾತ್‌ ಸರಕಾರದ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ.