ಥಾಯ್‌ಲ್ಯಾಂಡ್‌: ಲವ್‌ಸೀನ್‌ ಚಿತ್ರೀಕರಣ ಕಟ್‌

ಬ್ಯಾಂಕಾಕ್‌: ಕೋವಿಡ್‌ ಹಬ್ಬುವುದನ್ನು ತಡೆಯಲು ಥಾಯ್‌ಲ್ಯಾಂಡ್‌ ಸರಕಾರ ಪ್ರೇಮ ದೃಶ್ಯ, ಹೊಡೆದಾಟ ಅಥವಾ ನಿಕಟ ಸಂಪರ್ಕವನ್ನು ಬಯಸುವ ಯಾವುದೇ ದೃಶ್ಯವನ್ನು ಚಿತ್ರೀಕರಿಸದಂತೆ ಚಿತ್ಯೋದ್ಯಮಕ್ಕೆ ತಾಕೀತು ಮಾಡಿದೆ. ಸಾಮಾಜಿಕ ಅಂತರ ನಿಯಮಕ್ಕೆ ಸರಿಹೊಂದುವಂತೆ ಕೆಲಸವನ್ನು ಆರಂಭಿಸುವುದಕ್ಕೆ ನಿರ್ಮಾಣ ಸಂಸ್ಥೆಗಳಿಗೆ ಸೂಚಿಸಲಾಗಿದೆ.

ಚಿತ್ರನಿರ್ಮಾಪಕರು ಚೆನ್ನಾಗಿ ಗಾಳಿಯಾಡುವ ಸ್ಥಳಗಳಲ್ಲಿ ಕೆಲಸ ಮಾಡಬೇಕು ಮತ್ತು ಅಲ್ಲಿ 50ಕ್ಕಿಂತ ಹೆಚ್ಚು ಸಿಬಂದಿವರ್ಗ ಇರಬಾರದು. ಸಾಮೀಪ್ಯ ಅಥವಾ ಸಂಪರ್ಕವನ್ನು ಬಯಸುವ ದೃಶ್ಯಗಳನ್ನು ಬಿಂಬಿಸಲು ಸ್ಪೆಶಲ್‌ ಇಫೆಕ್ಟ್ ಗಳು ಹಾಗೂ ಕ್ಯಾಮರಾ ಕೋನಗಳನ್ನು ಬಳಸಬಹುದಾಗಿದೆ. ಕ್ಯಾಮರಾ ಹಿಂದಿರುವ ಎಲ್ಲರೂ ಕಡ್ಡಾಯವಾಗಿ ಮಾಸ್ಕ್ ಧರಿಸಿರಬೇಕು ಎಂದು ಮಾರ್ಗಸೂಚಿಯಲ್ಲಿ ತಿಳಿಸಲಾಗಿದೆ.

ಇತರ ಕ್ರಮಗಳಾಗಿ ಸೆಟ್‌ಗೆ ಹಾಜರಾದೊಡನೆಯೇ ಸಾಬೂನಿನ ಸುಲಭ ಲಭ್ಯತೆ ಮತ್ತು ಸೆಟ್‌ಗಳ ಆಮೂಲಾಗ್ರ ಸ್ವತ್ಛತೆಗೆ ಸೂಚಿಸಲಾಗಿದೆ.