ಸಿಡಿಲಿನಾಘಾತಕ್ಕೆ ಬಿಹಾರ ತತ್ತರ: 32 ಜೀವಗಳ ದಾರುಣ ಬಲಿ

ಪಟ್ನಾ : ಬಿಹಾರದಲ್ಲಿ ನಿನ್ನೆ ಸಂಜೆಯಿಂದೀಚೆಗೆ ಸಿಡಿಲಿನ ಹೊಡೆತಕ್ಕೆ 32 ಮಂದಿ ಬಲಿಯಾಗಿದ್ದಾರೆ. ರೋಹಟಾಸ್‌ ಮತ್ತು ವೈಶಾಲಿ ಜಿಲ್ಲೆಗಳಲ್ಲೇ ಸಿಡಿಲಿನಾಘಾತಕ್ಕೆ ಅತ್ಯಧಿಕ ಮಂದಿ ಬಲಿಯಾಗಿದ್ದಾರೆ. 

ಬಿಹಾರದಲ್ಲಿ ಕಳೆದ ಕೆಲವು ದಿನಗಳಿಂದ ಬಿಟ್ಟು ಬಿಟ್ಟು ಮಳೆ ಬರುತ್ತಿದೆ. ಪಟ್ನಾದಲ್ಲೇ ನಾಲ್ವರ ಸಹಿತಿ ರಾಜ್ಯಾದ್ಯಂತ ಒಟ್ಟು 32 ಮಂದಿ ಸಿಡಿಲಿನಾಘಾತಕ್ಕೆ ಬಲಿಯಾಗಿದ್ದಾರೆ ಎಂದು ಪ್ರಾಕೃತಿಕ ಪ್ರಕೋಪ ನಿರ್ವಹಣಾ ಇಲಾಖೆಯ ಮುಖ್ಯ ಕಾರ್ಯದರ್ಶಿ ಪ್ರತ್ಯಯ ಅಮೃತ್‌ ತಿಳಿಸಿದ್ದಾರೆ. 

ಭೋಜಪುರ ಮತ್ತು ಬಕ್ಸಾರ್‌ ಜಿಲ್ಲೆಯಲ್ಲಿ  ತಲಾ ನಾಲ್ಕು, ಬಕ್ಸಾರ್‌ ಜಿಲ್ಲೆಯಲ್ಲಿ  ಮೂವರು, ನಳಂದಾ ದಲ್ಲಿ ಇಬ್ಬರು ಸಿಡಿಲಿನಾಘಾತಕ್ಕೆ ಬಲಿಯಾಗಿದ್ದಾರೆ. ಮೃತರ ಕುಟುಂಬಗಳಿಗೆ ತಲಾ ನಾಲ್ಕು ಲಕ್ಷ ರೂ. ಪರಿಹಾರ ಘೋಷಿಸಲಾಗಿದೆ.