ಆಫ್ರಿಕನ್ನರ ಜೀವಿತಾವಧಿ 10 ವರ್ಷ ಏರಿಕೆ! ವಿಶ್ವ ಆರೋಗ್ಯ ಸಂಸ್ಥೆ

ಜೋಹಾನ್ಸ್‌ಬರ್ಗ್‌: ಆಫ್ರಿಕಾದ ಜನತೆಯ ಜೀವಿತಾವಧಿಯು 2000 ಇಸವಿಯಿಂದ 2019ರ ವೇಳೆಗೆ 10 ವರ್ಷ ಏರಿಕೆಯಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆ(ಡಬ್ಲ್ಯೂಎಚ್‌ಒ)ಯ ವರದಿಯಿಂದ ಈ ಅಂಶ ಬೆಳಕಿಗೆ ಬಂದಿದೆ.

ಜಾಗತಿಕವಾಗಿ ಜೀವಿತಾವಧಿಯು 5 ವರ್ಷ ಏರಿಕೆಯಾಗಿದೆ. ಆರೋಗ್ಯ ವ್ಯವಸ್ಥೆ ಸುಧಾರಣೆ, ತಾಯಿ ಮತ್ತು ಮಕ್ಕಳ ಪೌಷ್ಠಿಕತೆ, ಎಚ್‌ಐವಿ, ಕ್ಷಯ ಮತ್ತು ಮಲೇರಿಯಾದಂತಹ ಸಾಂಕ್ರಾಮಿಕ ರೋಗಗಳ ನಿಯಂತ್ರಣದಿಂದಾಗಿ ಈ ಪ್ರಗತಿ ಸಾಧ್ಯವಾಗಿದೆ.

2000ನೇ ಇಸವಿಯಲ್ಲಿ ಆಫ್ರಿಕಾದ ಜನರಿಗೆ ಸದೃಢ ಆರೋಗ್ಯ 46 ವಯಸ್ಸಿನವರೆಗೆ ಇದ್ದರೆ 2019ರಲ್ಲಿ ಅದು 56ನೇ ವಯಸ್ಸಿನವರೆಗೆ ಇದೆ ಎನ್ನುವುದು ವರದಿಯ ಅಂಶ. ಹಾಗಿದ್ದರೂ ಜಾಗತಿಕ ಜೀವಿತಾವಧಿ(64 ವರ್ಷ)ಗೆ ಹೋಲಿಸಿದರೆ ಆಫ್ರಿಕಾದ ಜನತೆಯೆ ಜೀವಿತಾವಧಿ ಕಡಿಮೆಯಿದೆ.