ಜೀವನ- ಕಲೆ: ವಿಚಾರಗೋಷ್ಠಿ: “ಕ್ಷೀಣಿಸುತ್ತಿದೆ ಸಂಸ್ಕಾರಯುತ ಬದುಕು’

ಕೋಟೇಶ್ವರ:  ಮೊಬೈಲ್ ತಂತ್ರಜ್ಞಾನ ದಿಂದ ಉಂಟಾಗುತ್ತಿರುವ ಪರಿಣಾಮದ ಬಗ್ಗೆ ದೀರ್ಘ‌ವಾಗಿ ಆಲೋಚಿಸಿದರೆ ಅದರಲ್ಲಿ ಒಳಿತು ಹಾಗೂ ಕೆಡುಕು ಎರಡೂ ಇದೆ. ಗಂಭೀವಾಗಿ ಚಿಂತಿಸಿದರೆ  ಸಮಾಜದ ಸ್ವಾಸ್ಥ್ಯವನ್ನು ಕೆಡಿಸುವುದರೊಡನೆ ಸಂಸ್ಕಾರಯುತ ಜೀವನಕ್ರಮದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತಿದೆಯೇ ಎಂಬ ಶಂಕೆ ಮೂಡುವುದು ಸಹಜ. ಆದರೆ ಇದಕ್ಕೊಂದು ಪರಿಹಾರ ಕಂಡುಕೊಳ್ಳುವಲ್ಲಿ ಸಮಾಜವು ಎಡವುತ್ತಿರುವುದು ಗಂಭೀರವಾದ ವಿಚಾರವಾಗಿದೆ ಎಂದು ಉಪನ್ಯಾಸಕ ಗಣಪತಿ ಹೆಗಡೆ ಹೇಳಿದರು.

ಅವರು ಕೋಟೇಶ್ವರ ರೋಟರಿ ಕ್ಲಬ್‌ನಲ್ಲಿ ಶನಿವಾರ ನಡೆದ “ಜೀವನ ಮತ್ತು ಕಲೆ’ ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡುತ್ತಾ ತೊದಲುವಿಕೆ ಒಂದು ವೈಖಲ್ಯ ಅಲ್ಲ. ನಾಲಿಗೆಗೆ ಗಾಯನ ಹಾಗೂ ಮಾತನಾಡುವ ವ್ಯಾಯಾಮ ನೀಡಿದಲ್ಲಿ ಬಹಳಷ್ಟು ತೊದಲುವಿಕೆಯ ಸಮಸ್ಯೆಯನ್ನು ಬಗೆಹರಿಸಲು ಸಾಧ್ಯ ಎಂದರು.

ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕೋಟೇಶ್ವರ ರೋಟರಿ ಅಧ್ಯಕ್ಷ ನೇರಂಬಳ್ಳಿ ಪ್ರಕಾಶ್‌ ಆಚಾರ್‌ ವಹಿಸಿ, ಅತಿಥಿಗಳನ್ನು ಸ್ವಾಗತಿಸಿದರು. ಸುಧೀರ್‌ ಶೆಟ್ಟಿ ನೂಜಿ ಅತಿಥಿಗಳನ್ನು ಪರಿಚಯಿಸಿದರು. ಕಾರ್ಯದರ್ಶಿ ಸತೀಶ್‌ ಆಚಾರ್‌ ಬೇಲೂರು ವಂದಿಸಿದರು.