LIC ನಿವ್ವಳ ಲಾಭ ಶೇ.50 ಕುಸಿತ

ಸರ್ಕಾರಿ ಸ್ವಾಮ್ಯದ ಜೀವಾ ವಿಮಾ ನಿಗಮ ಸಂಸ್ಥೆ (ಎಲ್‌ಐಸಿ)ಯ ಸೆಪ್ಟೆಂಬರ್‌ಗೆ ಅಂತ್ಯಗೊಂಡ ತ್ತೈಮಾಸಿಕದ ನಿವ್ವಳ ಲಾಭವು ಶೇ.50ರಷ್ಟು ಕುಸಿತಗೊಂಡಿದೆ. 2023-24ನೇ ಆರ್ಥಿಕ ವರ್ಷದ ಸೆಪ್ಟೆಂಬರ್‌ 30ಕ್ಕೆ ಕೊನೆಗೊಂಡ ದ್ವಿತೀಯ ತ್ತೈಮಾಸಿಕದ ವರದಿಯನ್ನು ಸಂಸ್ಥೆ ಬಿಡುಗಡೆಗೊಳಿಸಿದೆ.

ಅದರಂತೆ ಈ ಅವಧಿಯಲ್ಲಿ ನಿವ್ವಳ ಲಾಭ 7,925 ಕೋಟಿ ರೂ.ಗೆ ಇಳಿಕೆಯಾಗಿದ್ದು, ಕಳೆದ ವರ್ಷ ಇದೇ ತ್ತೈಮಾಸಿಕದಲ್ಲಿ ಸಂಸ್ಥೆಯ ನಿವ್ವಳ ಲಾಭ 15,952 ಕೋಟಿ ರೂ.ಗಳಾಗಿತ್ತು ಎಂಬುದಾಗಿ ತಿಳಿಸಿದೆ. ಅಲ್ಲದೇ, ನಿವ್ವಳ ಆದಾಯವೂ ಕಳೆದ ವರ್ಷವಿದ್ದ 1,32,631.72 ಕೋಟಿ ರೂ.ಗಳಿಂದ ಈ ವರ್ಷ 1,07,397 ಕೋಟಿ ರೂ.ಗಳಿಗೆ ಇಳಿಕೆಯಾಗಿದೆ.