ನಮಗೆಲ್ಲಾ ದೀಪಾವಳಿ ಎಂದಕೂಡಲೇ ಮನೆ ಮುಂದೆ ಉರಿಯುವ ಹಣತೆ, ಆಕಾಶದಲ್ಲಿ ಚಿಮ್ಮವ ಬಾಣಬಿರುಸು, ಕಿವಿಗೆ ಅಪ್ಪಳಿಸುವ ಪಟಾಕಿ ಸದ್ದು, ಅದೆಷ್ಟೇ ಮೇಲ್ನೋಟಕ್ಕೆ ಕಾಣುತ್ತದೆ. ಆದರೆ ಈ ಹಬ್ಬದ ಆಚರಣೆಯ ಹಿಂದೆ ಹಲವು ಪುರಾಣ ಕಾಲದ ಬೆಸುಗೆ, ಸಂಪ್ರದಾಯ, ಸಂಸ್ಕೃತಿ, ಇತಿಹಾಸ ಮಿಶ್ರಿತಗೊಂಡಿರುವದು ಕಂಡು ಬರುತ್ತದೆ.
ಭಾರತವು ವೈವಿಧ್ಯಮಯ ಸಂಸ್ಕೃತಿಯನ್ನು ಹೊಂದಿರುವ ದೇಶವಾಗಿದ್ದು, ಇಲ್ಲಿ ವಿವಿಧ ಜನಾಂಗೀಯ ಹಿನ್ನಲೆಯಿಂದ ಬರುವ ಜನರು ತಮ್ಮ ಸಂಸ್ಕೃತಿ ಮತ್ತು ಧರ್ಮಗಳನ್ನು ಆಚರಿಸಲು ಒಂದುಗೂಡುತ್ತಾರೆ. ದೀಪಾವಳಿ ದೇಶದಾದ್ಯಂತ ಆಚರಿಸಲಾಗುವ ಅತಿದೊಡ್ಡ ಭಾರತೀಯ ಹಬ್ಬಗಳಲ್ಲಿ ಅತ್ಯಂತ ಸಂಭ್ರಮ ಸಡಗರ ಹೊಂದಿರುವ ಹಬ್ಬವಾಗಿದೆ. ಇದನ್ನು”ಬೆಳಕಿನ ಹಬ್ಬ” ಎಂದು ಕರೆಯುತ್ತಾರೆ. ಕುಟುಂಬಗಳು ಒಟ್ಟಿಗೆ ಸೇರುತ್ತಾರೆ, ತಮ್ಮ ಮನೆ ಗಳನ್ನು ದೀಪಗಳಿಂದ ಅಲಂಕರಿಸುತ್ತಾರೆ.
ಇದನ್ನೂ ಓದಿ:ಬಾಲ್ಯದಲ್ಲಿ ಚಪ್ಪರಿಸಿದ ಹಬ್ಬದಡುಗೆಯ ರುಚಿ ನಾಲಿಗೆಯ ಕೊನೆಯಲ್ಲಿ ಇನ್ನೂ ಇದೆ..!
ಉತ್ತರ ಭಾರತದ ರಾಜ್ಯಗಳು ಈ ಹಬ್ಬವನ್ನು ದಿವಾಳಿ ಎಂದು ಪ್ರೀತಿಯಿಂದ ಉಲ್ಲೇಖಿಸಿದ್ದಾರೆ. ಸಿಂಗಾಪುರ್ ಮಲೇಶಿಯಾ ಮುಂತಾದ ಏಷ್ಯಾದ ಇತರ ರಾಷ್ಟ್ರಗಳಲ್ಲಿ ದೀಪಾವಳಿಯ ದೀಪ್ ಎಂದರೆ ಬೆಳಕುವಳಿ ಎಂದರೆ ರಚನೆ ಎಂದು ಕರೆಯಲಾಗುತ್ತದೆ. ಗ್ರಾಮೀಣ ಕರ್ನಾಟಕದಲ್ಲಿ ಲಕ್ಷ್ಮೀದೇವಿ ಪೂಜೆಯನ್ನು ಪೂಜಿಸುವುದರ ಹೊರತಾಗಿ ಹಲವಾರು ಆಸಕ್ತಿದಾಯಕ ಆಚರಣೆಗಳನ್ನು ಹೊಂದಿದೆ. ಕರ್ನಾಟಕ ನಗರ ಭಾಗಗಳಲ್ಲಿ ದೀಪಾವಳಿ ಹಬ್ಬದಂದು ಲಕ್ಷ್ಮೀದೇವಿ ಮತ್ತು ವಿಷ್ಣು ದೇವರನ್ನು ಪೂಜಿಸಲಾಗುತ್ತದೆ. ಲಕ್ಷ್ಮೀದೇವಿಯನ್ನು ಸಂಪತ್ತು ಸಮೃದ್ಧಿಗೆ ಆರಾಧಿಸಲ್ಪಟ್ಟರೆ ವಿಷ್ಣುವನ್ನು ಬಲಿಯ ವಿರುದ್ಧ ಜಯಗಳಿಸಿದ ಕಾರಣದಿಂದ ಪೂಜಿಸಲಾಗುತ್ತದೆ.
ನಾವೆಲ್ಲರೂ ದೀಪಗಳ ಹಬ್ಬವನ್ನು ಹೆಚ್ಚು ಅರ್ಥಪೂರ್ಣವಾಗಿ ಮತ್ತು ಭಕ್ತಿಯಿಂದ ಆಚರಿಸೋಣ. ಬೆಳಕಿಗೆ ನಮ್ಮನ್ನು ಕರೆದೊಯ್ಯುವಂತೆ ಸಮೃದ್ಧಿ ದೇವತೆಯನ್ನು ಪ್ರಾರ್ಥಿಸೋಣ.
ಡಿ.ಎಸ್ ತೇಜಸ್ವಿನಿ ಸುರೇಂದ್ರ ಗೌಡ
ದ್ವಿತೀಯ ಪಿಯುಸಿ, ಸರ್ಕಾರಿ ಪದವಿ ಪೂರ್ವ ಕಾಲೇಜು ಮೂಡಿಗೆರೆ 