Advertisement

ದಾರಿಮಧ್ಯೆ ಮುಳ್ಳುಹಂದಿಯನ್ನು ಅಡ್ಡಗಟ್ಟಿ ಕಂಗಾಲಾದ ಚಿರತೆ! ವೈರಲ್ ವಿಡಿಯೋ

09:42 AM Nov 22, 2019 | Nagendra Trasi |

ನವದೆಹಲಿ: ಚಿರತೆ, ಹೆಬ್ಬಾವು ಕಾದಾಟ, ಚಿರತೆ, ಹುಲಿ, ಸಿಂಹದ ನಡುವಿನ ಸೆಣಸಾಟ ಹೀಗೆ ಹಲವು ವಿಡಿಯೋಗಳು ಸಾಮಾಜಿಕ ಹಾಗೂ ಅಂತರ್ಜಾಲ ತಾಣಗಳಲ್ಲಿ ಈಗಾಗಲೇ ಸದ್ದು ಮಾಡಿದ್ದು, ಇದೀಗ ಚಿರತೆ ಮತ್ತು ಮುಳ್ಳುಹಂದಿ ಮುಖಾಮುಖಿಯಾಗಿದ್ದು ಇವುಗಳ ನಡುವಿನ ಕಾದಾಟದ ವೀಡಿಯೋ ಹರಿದಾಡುತ್ತಿದೆ.

Advertisement

ಚಿರತೆ ಮತ್ತು ಮುಳ್ಳುಹಂದಿ ಕಾದಾಟದ ಸುಮಾರು 58 ಸೆಕೆಂಡುಗಳ ವೀಡಿಯೋವನ್ನು ಐಎಫ್ ಎಸ್ (ಇಂಡಿಯನ್ ಫಾರೆಸ್ಟ್ ಸರ್ವೀಸ್)ನ ಪ್ರವೀಣ್ ಕಾಸ್ವಾನ್ ಎಂಬವರು ತಮ್ಮ ಟ್ವೀಟರ್ ಖಾತೆಯಲ್ಲಿ ಶೇರ್ ಮಾಡಿಕೊಂಡಿದ್ದಾರೆ.

ಹೆದ್ದಾರಿಯಲ್ಲಿ ಚಿರತೆ ಮತ್ತು ಮುಳ್ಳುಹಂದಿ ಮುಖಾಮುಖಿಯಾದಾಗ ಭೀಕರ ಕಾಳಗಕ್ಕೆ ಮುಂದಾಗಿದ್ದವು. ಧೈರ್ಯದಿಂದ ಮುನ್ನುಗ್ಗಿದ ಚಿರತೆ ಮುಳ್ಳುಹಂದಿ ಮೇಲೆ ದಾಳಿ ನಡೆಸಲು ಮುಂದಾಗಿತ್ತು…ಆದರೆ ಮುಳ್ಳುಹಂದಿ ತನ್ನ ಮುಳ್ಳುಗಳಿಂದ ಸುತ್ತಾಡುತ್ತ ತಪ್ಪಿಸಿಕೊಳ್ಳುತ್ತಿತ್ತು. ಆದರೂ ಚಿರತೆ ಮುಳ್ಳುಹಂದಿಗೆ ತನ್ನ ಬಲಿಷ್ಠ ಪಂಜದಿಂದ ಗಾಯಮಾಡಿಬಿಟ್ಟಿತ್ತು.

ಮುಂದೇನಾಯ್ತು…ಅಷ್ಟರಲ್ಲಿ ಮುಳ್ಳುಹಂದಿ ತನ್ನ ಚೂಪಾದ ಮುಳ್ಳುಗಳನ್ನು ಬಿಟ್ಟುಬಿಟ್ಟಿತ್ತು! ಬಾಣದಂತಹ ಮುಳ್ಳು ಚಿರತೆಯ ಬಾಯಿಗೆ ತಗುಲಿದ್ದು, ಇದರಿಂದ ಚಿರತೆ ಕಂಗಾಲಾಗಿ ಹೋಗಿತ್ತು. ಕೊನೆಗೆ ಬಂದ ದಾರಿಗೆ ಸುಂಕ ಇಲ್ಲ ಎಂಬಂತೆ ಚಿರತೆ ಹುಲ್ಲುಗಾವಲಿನತ್ತ ಹೊರಟು ಹೋಯಿತು. ಆದರೆ ಚಿರತೆ ಮತ್ತೊಮ್ಮೆ ಮುಳ್ಳುಹಂದಿಯತ್ತ ನೋಡುವ ಧೈರ್ಯ ತೋರಲೇ ಇಲ್ಲ!

Advertisement

ಇದೊಂದು ಹಳೆಯ ವಿಡಿಯೋ ಎಂದು ಪ್ರವೀಣ್ ಟ್ವೀಟ್ ನಲ್ಲಿ ತಿಳಿಸಿದ್ದಾರೆ. ಆದರೆ ಇಲ್ಲಿ ಚಿರತೆ ಮುಳ್ಳುಹಂದಿಯಿಂದ ಉತ್ತಮ ಪಾಠ ಕಲಿತಿದೆ ಎಂದು ಉಲ್ಲೇಖಿಸಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next