ಇದೋ ಬಂದಿದೆ; ಎಲ್‌ಇಡಿ ಮಾಸ್ಕ್

ಕೋಲ್ಕತಾ: ಕೋವಿಡ್ ಸೋಂಕು ವ್ಯಾಪಕವಾದ ಬಳಿಕ ಹಲವು ರೀತಿಯ ವಿನ್ಯಾಸಗಳ ಮಾಸ್ಕ್ ಗಳು ಮಾರುಕಟ್ಟೆಗೆ ಬಂದಿವೆ. ಅಂಥ ಸಾಲಿಗೆ ಪಶ್ಚಿಮ ಬಂಗಾಲದ ಉತ್ತರ 24 ಪರಗಣ ಜಿಲ್ಲೆಯ ಕಂಚಪಾರ ಎಂಬ ಪಟ್ಟಣದ ಯುವಕ ಧರಿಸಿದ ಎಲ್‌ಇಡಿ ಮಾಸ್ಕ್ ಸೇರಿಕೊಂಡಿದೆ.

ಗೌರ್‌ನಾಥ್‌ ಎಂಬ ಯುವಕ ಎಲ್‌ಇಡಿ ಮಾಸ್ಕ್ ಧರಿಸಿರುವ ಫೋಟೋ ಮತ್ತು ವೀಡಿಯೋ ಈಗ ವೈರಲ್‌ ಆಗಿದೆ. ಮಾಸ್ಕ್ನ ಅಂಚಿನ ಸುತ್ತಲೂ ಸಣ್ಣ ಗಾತ್ರದ ಬಲ್ಬ್ ಗಳನ್ನು ಪೋಣಿಸಲಾಗಿದೆ ಮತ್ತು ಅವುಗಳು ಉರಿಯುತ್ತವೆ. ಜನರನ್ನು ಆಕರ್ಷಿಸುವ ನಿಟ್ಟಿನಲ್ಲಿ ಅದು ಬಣ್ಣ ಕೂಡ ಬದಲಿಸುತ್ತದೆ. ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಸೇರುವ ಸ್ಥಳಗಳಲ್ಲಿ ಗೌರ್‌ನಾಥ್‌ ಹೋಗಿ, ಎಲ್‌ಇಡಿ ಮಾಸ್ಕ್ ಧರಿಸಿ, ಸೋಂಕಿನ ಹಿನ್ನೆಲೆಯಲ್ಲಿ ಅರಿವು ಮೂಡಿಸುವ ಪ್ರಯತ್ನ ಮಾಡುತ್ತಿದ್ದಾರೆ.