ಖ್ಯಾತ ಟಿವಿ ಸೀರಿಯಲ್‌ ನಿರ್ಮಾಪಕ ಗೌತಮ್‌ ಅಧಿಕಾರಿ ವಿಧಿವಶ

ಮುಂಬಯಿ : ಪ್ರಮುಖ ಟಿವಿ ಸೀರಿಯಲ್‌ ನಿರ್ಮಾಪಕ ಮತ್ತು ಮರಾಠಿ ಟಿವಿ ರಂಗದ ಯುವ ಪ್ರವರ್ತಕನೆಂದು ಪರಿಗಣಿಸಲ್ಪಟ್ಟಿರುವ ಗೌತಮ್‌ ಅಧಿಕಾರಿ ಅವರು ತಮ್ಮ ನಿವಾಸದಲ್ಲಿ ನಿಧನ ಹೊಂದಿದರು. ಅವರಿಗೆ 67 ವರ್ಷ ವಯಸ್ಸಾಗಿತ್ತು.

ಈಚೆಗೆ ಸ್ವಲ್ಪ ಸಮಯದಿಂದ ಅನಾರೋಗ್ಯದಿಂದ ಬಳಲುತ್ತಿದ್ದ ಗೌತಮ್‌ ಅಧಿಕಾರಿ, ಅವರ ಅಂತ್ಯಕ್ರಿಯೆ ಬೆಳಗ್ಗೆ 11 ಗಂಟೆಗೆ ಮುಂಬಯಿ ಹೊರವಲಯದ ವಿಲೇ ಪಾರ್ಲೆಯಲ್ಲಿ ನಡೆಯಲಿದೆ ಎಂದು ಅವರ ಕುಟುಂಬದವರು ಹೇಳಿದ್ದಾರೆ.

ಗೌತಮ್‌ ಅವರು ತನ್ನ ಸಹೋದರ ಮರ್ಕಂದ್‌ ಅವರೊಂದಿಗೆ ಸೇರಿ 1985ರಲ್ಲಿ  ಶ್ರೀ ಅಧಿಕಾರಿ ಬದ್ರರ್ಸ್‌ (ಎಸ್‌ಎಬಿ) ಗ್ರೂಪ್‌ ಆರಂಭಿಸಿದ್ದರು. 

ಗೌತಮ್‌ ಅಧಿಕಾರಿ ಅವರು ವಾಣಿಜ್ಯ ಕಲೆಯಲ್ಲಿ ಡಿಪ್ಲೋಮಾ ಹೊಂದಿದ್ದಾರೆ. ಅನೇಕ ಚಿತ್ರಗಳನ್ನು ಮತ್ತು ಟಿವಿ ಸೀರಿಯಲ್‌ಗ‌ಳನ್ನು ನಿರ್ದೇಶಿಸಿದ್ದಾರೆ.